Казімер Коцел

Казімер Коцел гербу «Пэлікан» (1690 — каля 1733) — дзяржаўны дзяяч Вялікага Княства Літоўскага, староста маркаўскі і пасол у 1722 г., уладальнік маёнткаў Маладэчна, Ганута, Беніца, Гарадзіла, Чыжышкі.

Казімер Коцел

Герб «Пэлікан»
Асабістыя зьвесткі
Нарадзіўся	1690
Памёр	каля 1733
Род	Коцелы
Бацькі	Габрыель Коцел Уршуля Эпэрыэшанка
Жонка	Эўфразына з Францкевічаў Барбара з Хамінскіх
Дзеці	ад 1-га шлюбу: Разалія Агінская ад 2-га шлюбу: Тадэвуш Коцел
Рэлігія	каталіцтва

Паходзіў са знакамітага роду Коцелаў гербу «Пэлікан». Атрымаў ад бацькі Габрыеля Коцела ў спадчыку маёнтак Чыжышкі (цяпер вёска Ціжышкі Смаргонскага раёну), ад Міхала Казімера Коцела, які прыходзіўся яму шасьціюрадным дзядзькам і дзядзькам жонкі — Беніца, Гарадзіла.

Ажаніўся спачатку з Эўфразынай з Францкевічаў, зь якой меў дачку Разалію, якая ў 1736 г. узала шлюб з Казімерам Ігнацы Агінскім (1710—1769), сынам Марцыяна Міхала Агінскага й Тэрэзы Бжастоўскай. Другі раз ажаніўся з Барбарай Хамінскай, дачкой пісара ВКЛ Людвіка Якуба Хамінскага і Ганны, народжанай Козел-Паклеўскай, якая была дачкой ашмянскага харунжага і старасты дзісьненскага Юры (Ежы) Міхала Козел-Паклеўскага і Канстанцыі Коцел, якая ў сваю чаргу прыходзілася дачкой Гераніму Самуэлю Коцелу. Такім чынам Барбара Хамінская была ўнучкай Гераніма Самуэля Коцела. Зь ёй у шлюбе меў сына Тадэвуша. Паводле тэстамэнту пакінуў дачцэ Разаліі маёнткі Маладэчна й Ганута (гэтыя маёнткі пераходзяць у далейшым у спадчыну Агінскіх), а сыну Тадэвушу маёнткі Беніца, Гарадзіла, Чыжышкі.

Літаратура

• Adam Boniecki, Artur Reiski T. 10: Kęstowscy — Komorowscy., skład główny Gebethner i Wolff, Warszawa, 1908. S. 297.