Караль Гутэн-Чапскі

Караль Ян Аляксандар Гутэн-Чапскі (27 жніўня 1860, в. Станькаў Менскага павету, цяпер Койданаўскі раён — 30 студзеня 1904) — дзяржаўны дзяяч, прадпрымальнік, філянтроп.

Караль Гутэн-Чапскі

Караль Гутэн-Чапскі
Герб «Ляліва»
Галава Менску
1890 — 1901
Папярэднік	М. Галіневіч
Наступнік	Мечысаў Райкевіч
Асабістыя зьвесткі
Нарадзіўся	15 (27) жніўня 1860[1] Станькаў, Менскі павет, Менская губэрня, Расейская імпэрыя
Памёр	17 (30) студзеня 1904[1] (43 гады) Франкфурт-на-Майне, Адміністрацыйная акруга Вісбадэн[d], правінцыя Гесэн-Насау[d], Каралеўства Прусія[d], Нямецкая імпэрыя
Пахаваны	Станькаў
Род	Чапскія
Бацькі	Эмэрык Гутэн-Чапскі Эльжбэта з Мэендорфаў
Жонка	Марыя Леантына з Пуслоўскіх
Дзеці	Фабіяна, Эльжбэта, Эмэрык Аўгуст Войцех, Войцех
Дзейнасьць	мескі галава
Рэгаліі
Ордэн Сьвятой Ганны

Вікіпэдыя мае артыкулы пра іншых асобаў з прозьвішчам Гутэн-Чапскі.

3 роду Чапскіх, сын Эмэрыка Гутэн-Чапскага.

У 1882 скончыў Дэрпцкі ўнівэрсытэт. У 1890—1901 гарадзкі галава ў Менску. Яго намаганьнямі ў горадзе адкрыты трамвай-конка (1892), электрастанцыя (1895), тэлефонная станцыя агульнага карыстаньня (1896), лямбард, начныя прытулкі, шпіталі, амбуляторыі; праводзіліся добраўпарадкаваньне, электрычнае асьвятленьне і інш. Садзейнічаў адкрыцьцю ў Менску Таварыства аматараў спорту (1892, яго старшыня), Таварыства аховы жанчынаў (1901), гарадзкога крэдытнага таварыства (1901), акгыўны чалец Менскага таварыства сельскай гаспадаркі. Меў маёнткі ў Менскім і Ігуменскім паветах (34,5 тыс. дзесяцін зямлі), піваварны завод у Менску (цяпер «Аліварыя»).