Караль Юзэф Сапега

Караль Юзэф Сапега (да 1718 — 20 сакавіка 1768, места Вішніцы Берасьцейскага ваяводзтва) — дзяржаўны дзяяч Вялікага Княства Літоўскага. Пісар польны літоўскі (1730—1748), ваявода берасьцейскі (з 1748)^[2]. Кавалер Ордэна Белага Арла (1766).

Караль Юзэф Сапега

Караль Юзэф Сапега. А. Мірыс, XVIII ст.
Герб «Ліс»
Асабістыя зьвесткі
Нарадзіўся	да 1718
Памёр	20 сакавіка 1768 Вішніцы, гміна Вішніцы[d], Бельскі павет, Польшча[1]
Род	Сапегі
Бацькі	Уладзіслаў Язафат Сапега[1] Крысьціна Сангушка[d][1]

Біяграфія

З коданскай лініі роду Сапегаў гербу «Ліс», сын Уладзіслава Язафата і Крыстыны з Сангушкаў. Меў брата Ігнація.

Абіраўся паслом на соймы^[3]. На элекцыі 1733 падтрымаў Станіслава Ляшчынскага^[4], аднак неўзабаве перайшоў на бок Аўгуста Саса. На элекцыі 1763 падтрымаў Станіслава Аўгуста Панятоўскага.

Па сьмерці брата апекваўся пляменьнікамі, распачаў шэраг працэсаў датычна іхнай маёмасьці.