Ігнаці Сапега

Ігнаці Сапега (да 1721 — 15 красавіка 1758, Ружаны) — дзяржаўны дзяяч Вялікага Княства Літоўскага. Чашнік (1740—1744) і падскарбі надворны літоўскі (1744—1750), ваявода амсьціслаўскі (з 1750)

Ігнаці Сапега

Ігнаці Сапега. Мастак А. Мірыс, 1750
Герб «Ліс»
Асабістыя зьвесткі
Нарадзіўся	да 1721
Памёр	15 красавіка 1758 Ружаны, Слонімскі павет, Наваградзкае ваяводзтва, Вялікае Княства Літоўскае[1]
Пахаваны	Вішніцы[1]
Род	Сапегі
Бацькі	Уладзіслаў Язафат Сапега Крыстына з Сангушкаў
Жонка	Ганнай з Красіцкіх
Дзеці	Ян, Каспэр Мэльхіёр Бальтазар, Юзэф, Францішак Ксавэры, Каятан Міхал

Біяграфія

І. Сапега, партрэт XVIII ст.

З коданскай лініі магнацкага роду Сапегаў гербу «Ліс», сын Уладзіслава Язафата, ваяводы берасьцейсага, і Крыстыны з Сангушкаў. Меў брата Караля Юзэфа.

У 1733 падтрымаў абраньне каралём і вялікім князем Станіслава Ляшчынскага^[2]. Разам з братам Каралем захоўваў яму вернасьць да самай абдыкацыі (1736).

Займаў шэраг высокіх дзяржаўных пасадаў, абіраўся паслом на соймы, быў дэпутатам Галоўнага Трыбуналу^[3]. У 1752—1753 беспасьпяхова справабаў атрымаць пасаду падканцлера вялікага літоўскага.

Ажаніўся ў 1731 з Ганнай Красіцкай. У шлюбе меў сыноў Яна, Каспэра Мэльхіёра Бальтазара, Юзэфа, Францішка Ксавэрыя і Каятана Міхала. Спачыў ў Вішніцах^[4].