Уладзіслаў Язафат Сапега

Уладзіслаў Язафат Сапега^{[а 1]} (5 лістапада 1652, мястэчка Косаў — 13 сакавіка 1733, места Вішніцы) — дзяржаўны і вайсковы дзяяч Вялікага Княства Літоўскага. Чашнік (1681—1684) і крайчы вялікі літоўскі (1684—1699), ваявода менскі (1699—1709) і берасьцейскі (з 1709).

Уладзіслаў Язафат Сапега

У. Я. Сапега. З Коданскай галерэі, 1709
Герб «Ліс»
Асабістыя зьвесткі
Нарадзіўся	5 лістапада 1652 Косава, Слонімскі павет, Наваградзкае ваяводзтва, Вялікае Княства Літоўскае
Памёр	13 сакавіка 1733 Вішніцы, гміна Вішніцы[d], Бельскі павет, Польшча
Пахаваны	Вішніцы[1]
Род	Сапегі
Бацькі	Крыштап Францішак Сапега Алена з Саламярэцкіх
Жонка	Уршуля з Даніловічаў Людвіка Марыя фон Гольц Крыстына з Сангушкаў
Дзеці	ад 1-га шлюбу: Яна ад 3-га шлюбу: Караль Юзэф, Казімер, Ян, Ганна, Міхал, Францішак, Язафат, Канстанцыя, Ігнаці
Дзейнасьць	палітык

Біяграфія

З коданскай лініі магнацкага роду Сапегаў гербу «Ліс», сын Крыштапа Францішка і Алены з Саламярэцкіх. Меў братоў Паўла Францішка і Казімера Ўладзіслава.

Навучаўся ў езуіцкіх калегіюмах у Любліне і Брунсбэргу (Браневе), унівэрсытэтах Прагі і Вены.

Удзельнічаў у вайне 1673—1674 супраць туркаў (Хацінская бітва, украінская кампанія 1674 року Міхала Казімера Паца).

Абіраўся паслом на соймы, быў дэпутатам Галоўнага Трыбуналу. У часе Вялікай Паўночнай вайны (1700—1721) выступаў за зьвяз з Расеяй^[2].

Упершыню ажаніўся з Уршуляй Даніловіч (шлюб у 1658, роспуст у 1693), зь якой меў дачку Яну. Другі раз пабраўся шлюбам зь Людвікай Марыяй фон Гольц (у 1693), трэці раз — з Крыстынай Сангушка (у 1697), зь якой меў сыноў Караля Юзэфа, Казімера, Яна, Міхала, Францішка, Язафата і Ігнація, а таксама дачок Ганну і Канстанцыю. Пахавалі У. Я. Сапегу ў Вішніцах^[3].

Глядзіце таксама

• Палац Сапегаў у Менску

Заўвагі

1. Іншы варыянт імя: Уладзіслаў Юзафат Сапега