Каралінскі сельсавет (Зэльвенскі раён)

Каралі́нскі сельсавет — адміністрацыйна-тэрытарыяльная адзінка ў складзе Зэльвенскага раёну Гарадзенскай вобласьці. Адміністрацыйны цэнтар — вёска Каралін.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Каралінскі сельсавет.

Каралінскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Каралін
Дата ўтварэньня	12 кастрычніка 1940
Насельніцтва	▲1198 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 12 кастрычніка 1940 году ў складзе Зэльвенскага раёну Баранавіцкай вобласьці БССР. З 20 верасьня 1944 году ў складзе Гарадзенскай вобласьці. 16 ліпеня 1954 году да сельсавету далучана тэрыторыя скасаванага Межырэцкага сельсавету^[1]. З 17 красавіка 1962 году ў складзе Ваўкавыскага раёну, з 6 студзеня 1965 году ў складзе Слонімскага раёну, з 30 ліпеня 1966 году ў складзе адноўленага Зэльвенскага раёну.

18 красавіка 2017 году ў склад сельсавету перададзеныя ўсе населеныя пункты — Дзергілі, Задвор’е, Калінаўка, Клепачы, Крэсла, Межырэч, Мештавічы, Пузікі, Талалайкі, Тулава, Шэйкі, Янаўшчына — ліквідаванага Тулаўскага сельсавету^[2].

Насельніцтва сельсавету паводле перапісу 2009 году (16 населеных пунктаў) — 1040 чалавек^[3], зь іх 82,1% — беларусы, 13,2% — палякі, 3,0 % — расейцы^[4].