Карпавічы (Івейскі раён)

Ка́рпавічы^[1] — вёска ў Івейскім раёне Гарадзенскай вобласьці. Уваходзіць у склад Івейскага сельсавету^[2].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Карпавічы.

Карпавічы лац. Karpavičy
Краіна:	Беларусь
Вобласьць:	Гарадзенская
Раён:	Івейскі
Сельсавет:	Івейскі
Насельніцтва:	42 чал. (2009)
Часавы пас:	UTC+3
Тэлефонны код:
Паштовы індэкс:	231337
СААТА:	4229813066
Нумарны знак:	4
Геаграфічныя каардынаты:	53°58′59″ пн. ш. 25°42′13″ у. д.
Карпавічы на мапе Беларусі ± Карпавічы Карпавічы
Галерэя здымкаў у Вікісховішчы

Гісторыя

У пачатку XVII ст. вёска маёнтку Іўе Кішкаў у Івейскай воласьці Ашмянскага павету Віленскага ваяводзтва. Паводле інвэнтару маёнтку, у 1634 г. 8 дымоў, 3,5 валокі зямлі.

У сярэдзіне XIX — пачатку XX ст. вёска ў Івейскай воласьці Ашмянскага павету Віленскай губэрні. У 1861 г. 55 рэвіскіх душ. Адносілася да маёнтку Іўе Замойскіх. У складзе Урцішкаўскага сельскага таварыства. У 1866 г. 13 двароў, 101 жыхар. У 1909 г. 32 двары, 205 жыхароў.

У 1921 —1939 гг. у Івейскай гміне Валожынскага, з 1926 г. Лідзкага паветаў Наваградзкага ваяводзтва Польшчы. 3 12.10.1940 г. вёска (38 двароў, 206 жыхароў) у Драбышоўскім, з 16.7.1954 г. у Лукашынскім, потым у Ліпнішкаўскім, з 1962 г. у Івейскім сельсаветах Івейскага раёну. 3 1954 г. у складзе калгаса імя Я.Коласа. У 1970 г. 141 жыхар. У 1999 г. 25 двароў, 53 жыхары.

Насельніцтва

• 2009 год — 42 чалавек^[3]
• 1999 год — 53 чалавек, 25 двароў