Карэйва

Карэйва, Карэва — мужчынскае імя і вытворнае ад яго прозьвішча.

Паходжаньне

Асноўны артыкул: Імёны ліцьвінаў

Варыянты імя ў гістарычных крыніцах: Coreiko, houptman czu Medeniken^[1], Careybo Capitaneus in Medeniken^[2] (12 кастрычніка 1398 году); Koreyko (1412 год)^[3]; cum Albracht Korewa de Sowgodsko^[4], Corewa^[5], Corewam^[6] (2 кастрычніка 1413 году); Iwaschko Korewicz (15 траўня 1432 году)^[7]; Кореиве Воинеиковичу (1440—1492 гады)^[8]; Ego igitur Korewa haeres de Gedroty (1451 год)^[9]; Иван Кореива и съ своим сыном Ортемом… Ортема Кореивинича (1485—1492 гады)^[10]; Anne Bochdana Coryeiowna (27 сакавіка 1508 году)^[11]; Бартош Кореивич (каля 29 жніўня 1524 году)^[12]; Могко Кореивич (1524 год)^[13]; З Упиты… Кореива Миколаевич (1533—1535 гады)^[14]; Янъ Венславовичъ Кореивича (1565 год)^[15].

Носьбіты

• Альбэрт Карэйва († па 1413) — дзяржаўны дзяяч Вялікага Княства Літоўскага, староста медніцкі і вялёнскі; меў сыноў Івана (Івашку) і Фёдара
• Карэйва Вайнейкавіч — літоўскі баярын, які атрымаў наданьне ад вялікага князя Казімера
• Карэйва — гедройцкі баярын, які ў 1451 годзе зрабіў наданьне касьцёлу ў Дубінках
• Іван Карэйва — полацкі мешчанін, які ўпамінаецца паміж 1485 і 1492 гадамі; меў сына Арцёма
• Крыштап Дамінік з Дубна Карэйва — дзяржаўны дзяяч Вялікага Княства Літоўскага, струкчашы полацкі ў 1702—1714 гадох^[16]
• Пётар Антоні з Дубна Карэйва — дзяржаўны дзяяч Вялікага Княства Літоўскага, струкчашы полацкі ў 1737—1762 гадох^[17]
• Валяр’ян Вінцэнт Карэйва — дзяржаўны дзяяч Вялікага Княства Літоўскага, скарбнік амсьціслаўскі ў 1758—1761 гадох^[18]

Карэвы (Korewo, Korewa) і Карэйвы (Korejwo, Koreywo) гербу Дэмбна — літоўскія шляхецкія роды^[19].

На 1906 год існавала вёска Карэвы ў Гарадоцкім павеце Віцебскай губэрні^[20].