Вайнейка

Вайнейка (Ванейка, Ваніка), Вайнэка (Вайніка) — мужчынскае імя і вытворнае ад яго прозьвішча.

Wonnecke Weinecke
Паходжаньне
Мова(-ы)	германскія
Утворанае ад	Uuenna + суфікс з элемэнтам -к- (-k-) Weine + суфікс з элемэнтам -к- (-k-)
Іншыя формы
Варыянт(ы)	Ванейка, Ваніка, Вайнэка, Вайніка
Вытворныя формы	Вінка
Зьвязаныя артыкулы
якія пачынаюцца з «Вайнейка»

Паходжаньне

Асноўны артыкул: Імёны ліцьвінаў

Вуніка або Вунека, пазьней таксама Вонэка (Vunnico, Vunnecho, Wunneke^[1][2], Wonnecke^[3]) і Вайнэка (Weinecke^[4]) — імёны германскага паходжаньня^[5]. Іменная аснова -вуйн- (-войн-, -вун-) (імёны ліцьвінаў Войнар, Войнат, Гервойна; германскія імёны Wunar, Voinot, Geruuni) паходзіць ад старагерманскага wunna, гоцкага wunands 'шчаснасьць, задаволенасьць', ісьляндзкага vænn 'прыемны', нямецкага gewohnt 'задаволены'^[6] або ад асновы -він- (-вайн-)^[7].

У Прусіі бытавала імя Воніка: Woniko (1360 год)^[8].

Варыянты імя ў гістарычных крыніцах: Воинег писал Журяговиць полоцянин (XI—XII ст.)^[9]; Кореиве Воинеиковичу Щербишки под княземъ Иваном Манкою (1440—1492 гады)^[10]; Воинеико (7 лістапада 1442 году)^[11]; Лютъко Воинеиковичъ (1528 год)^[12]; Мартинъ Войниковичъ (1567 год)^[13]; Вуиник Дмитренко… Вуникь Храпенко (1649 год)^[14]; Alukiewiczowa Symonowa Ewa (Woneykowna) (16 сакавіка 1724 году)^[15].

Носьбіты

• Карэйва Вайнейкавіч — літоўскі баярын, які атрымаў наданьне ад вялікага князя Казімера
• Лютка Вайнейкавіч — упіцкі баярын, які ўпамінаецца ў попісе войска Вялікага Княства Літоўскага 1528 году
• Юры Стэфанавіч Вайняйковіч — упіцкі зямянін, які ўпамінаецца ў 1614 годзе^[16]

Вайнэкі-Тамкевічы (Woyneko-Tomkiewicz) — літоўскі шляхецкі род^[17].

Вайнікевічы (Wojnikiewicz) гербу Прыяцель — літоўскі шляхецкі род з Ваўкавыскага павету^[18].

Ванікевічы — літоўскі шляхецкі род^[19].

Назву Вайнікішкі маюць вёска і возера на гістарычнай Браслаўшчыне.