Каспля

Ка́спля — рака ў Беларусі і Расеі, левы прыток Дзьвіны. Цячэ ў Віцебскім раёне Віцебскай вобласьці і Смаленскай вобласьці. Даўжыня 136 км (у межах Беларусі 20 км). Плошча вадазбору 5410 км² (у межах Беларусі 513 км²). Выдатак вады ў вусьці 35 м³/с. Сярэдні нахіл воднай паверхні 0,2 ‰.

Рака

Каспля
Агульныя зьвесткі
Выток	воз. Каспля (Расея)
Вусьце	Дзьвіна
Краіны басэйну	Беларусь, Расея
Вобласьці	Віцебская вобласьць
Даўжыня	136 км
Сярэднегадавы сьцёк	35 м³/с
Плошча басэйну	5410 км²
Нахіл воднай паверхні	0,2 ‰
Галерэя здымкаў у Вікісховішчы

У другой палове XIX стагодзьдзя адзначалася, што левы бераг ракі Касплі (як і ракі Мяжы) мясцовыя жыхары называлі — «літоўскім», а правы — «рускім»^[1][2].

Асноўныя прытокі

• Левыя: Вымнянка, Неварожка
• Правыя: Жарасьпея, Габза, Дрыгіч

Рака Клёц, якая сілкуе возера Каспля, некаторымі дасьледнікамі лічыцца пачаткам ракі Каспля.

На рацэ

• Места: Парэчча
• Мястэчка: Сураж

Агульныя зьвесткі

Выцякае з возера Касплі ў Смаленскім раёне на ўсходніх схілах Віцебскага ўзвышша, у нізоўі цячэ Сураскай нізінай, вусьце каля мястэчка Суражу.

Даліна пераважна трапэцападобная, шырынёй 300—400 м (у вярхоўі да 3 км). Абалона ніжэй за вусьце Габзы перарывістая, шырыня яе 100—200 м. Рэчышча слабазьвілістае, шырынёй 10—30 м у верхняй плыні і да 40—50 м у нізкай.

Найвышэйшы ўзровень разводзьдзя ў 1-й дэкадзе сакавіка, найбольшая вышыня над межанным узроўнем (у Беларусі) 9,1 м (1956). Замярзае ў 1-й дэкадзе сьнежня, крыгалом у пачатку сакавіка^[3].

У часы Русі і вікінгаў, рака была важнай часткай гандлёвага шляху з варагаў у грэкі, бо ў раёне Гняздова, за 14 км на захад ад места Смаленску паміж Дняпром і Каспляй існавала валока.