Каўкаская палоньніца, або новыя прыгоды Шурыка (фільм)

«Каўкаская палоньніца, або новыя прыгоды Шурыка» — савецкая камэдыя Леаніда Гайдая. Другі фільм з Шурыкам у якасьці галоўнага пэрсанажу і апошні фільм (з тых, што зьняў Леанід Гайдай) з удзелам тройкі Баязьлівец — Балбес — Хаджалы (Віцын — Нікулін — Маргуноў). Прэм’ера фільму адбылася ў Маскве 3 красавіка 1967 году адначасова ў 53 кінатэатрах.

Каўказская палоньніца, або новыя прыгоды Шурыка
Кавказская пленница, или Новые приключения Шурика
Жанр	кінакамэдыя[1]
Рэжысэр	Леанід Гайдай
Сцэнарыст	Якаў Касьцюкоўскі, Марыс Слабодзкі, Леанід Гайдай
У ролях	Натальля Варлей, Аляксандар Дзям’яненка, Фрунзік Мкртчан, Уладзімер Этуш, Георгі Віцын, Яўген Маргуноў, Юры Нікулін
Кампазытар	Аляксандар Зацэпін
Апэратар	Канстанцін Бровін
Вытворчасьць	Масфільм
Распаўсюд	Netflix
Дата выхаду	1967
Працягласьць	77 хвілінаў
Краіна	СССР
Мова	расейская
Старонка на IMDb

Сюжэт

Эксцэнтрычная камэдыя з выкраданьнямі і пагонямі пра добрага і шчырага Шурыка, якая вывучае на Каўказе старадаўнія абрады і звычаі, пра яго першае і нясьмелае каханьне да дзяўчыны, з-за якой ён апынаецца ў сьмешных і складаных сытуацыях, бо «прыгажуню, камсамолку, спартоўку» хочуць ажаніць зь мясцовым чыноўнікам. Яе выкрадаюць. Шурыку не адразу атрымоўваецца ўцяміць, што адбываецца, але затым з дапамогай новага сябра ён вызваляе «каўкаскую палоньніцу».

У ролях

• Натальля Варлей — Ніна (агучваньне — Надзея Румянцава, вакал — Аіда Вядзішчава)
• Аляксандар Дзям’яненка — Шурык, фальклярыст
• Фрунзік Мкртчан — Джабраіл, дзядзька Ніны і шафёр Саахава
• Уладзімер Этуш — таварыш Саахаў Б. Г., загадчык райкамгасу
• Георгі Віцын — Баязьлівец
• Яўген Маргуноў — Хаджалы
• Юры Нікулін — Балбес
• Руслан Ахметаў — Эдзік, кіроўца
• Донар Мкртчан — жонка Джабраіла, цётка Ніны
• Міхаіл Глускі — адміністратар гасьцініцы
• Ніна Грабяшкова — лекар
• Пётар Рэпнін — галоўны ўрач псыхіятрычнай бальніцы
• Ной Аваліяні — супрацоўнік гасьцініцы з тостам пра птушку
• Эмануіл Гелер — шашлычнік (агучваньне — Арцём Карапецян)
• Георгі Міляр — гасьцінны гаспадар, аматар даміно
• Георгі Сьвятлані — стары ля піўнога ларка
• Леанід Даўлатаў — судзьдзя (у тытрах не пазначаны; агучваньне — Арцём Карапецян)
• Морыс Слабадзкі — гулец у даміно (у тытрах не пазначаны)
• Багдан Галусьцян — удзельнік гульні ў даміно (у тытрах не пазначаны)
• Алег Севасьцьянаў
• Міхаіл Садорскі

Месцы здымак

Нягледзячы на назву фільму і створаныя ў фільме вобразы, сам фільм здымалі не на Каўказе, а ў Крыме, асноўнае месца здымак: цэнтар гораду Алушта і даліна Прывідаў ля падножжа Дземерджы. Акрамя гэтага, у фільме сустракаюцца эпізоды, зьнятыя ў горадзе Сімфэропаль (псіхлячэбніца), на вяршыні Ай-Пэтры (спынены Шурыкам аўтамабіль зь Нінай) і на Каўказе, у Адлерскім раёне Сочы на ​​рацэ Мзымта (горная рака, у якой Ніна ратуе Шурыка, і прорва з акна пакоя Ніны).