Кевін-Прынс Баатэнг

Кевін-Прынс Баатэнг (па-нямецку: Kevin-Prince Boateng; нар. 6 сакавіка 1987 году, Бэрлін, ФРН) — колішні ганскі футбаліст, гулец нацыянальнай зборнай Ганы. Гуляў на пазыцыі паўабаронцы. Мае таксама й нямецкае грамадзянства.

Кевін-Прынс Баатэнг
Пэрсанальная інфармацыя
Нарадзіўся	6 сакавіка 1987(1987-03-06)[1][2] (38 гадоў) Заходні Бэрлін
Рост	186 см[3]
Вага	77 кг[3]
Пазыцыя	паўабаронца, нападнік
Клюбы
Гады	Клюб	Гульні (галы)¹
2004—2007	Гэрта II[d]	29 (5)
2005—2007	Гэрта	42 (4)
2007—2009	Тотэнгэм Готспур	14 (0)
2009	→ Барусія Дортмунд	10 (0)
2009—2010	Портсмут	22 (3)
2010	Джэноа	0 (0)
2010—2013	Мілян	100 (17)
2013—2015	Шальке-04	46 (6)
2016	Мілян	14 (1)
2016—2017	Ляс-Пальмас	28 (10)
2017—2018	Айнтрахт Франкфурт	31 (6)
2018—2019	Сасуолё	13 (4)
2019	→ Барсэлёна	4 (0)
2019—2020	Фіярэнтына	15 (1)
2020	→ Бэшыкташ	11 (3)
2020—2021	Монца	25 (5)
2021—2023	Гэрта	38 (0)
Зборныя
2006	Нямеччына (да 20)[d]	2 (0)
2006—2009	Нямеччына (да 21)[d]	6 (0)
2010—2014	Гана	15 (2)

Кар’ера

Клюбная

Баатэнг пачаў кар’еру ў дзіцячай камандзе «Райнікендорфэр Фюксэ» й далучыўся да клюбу «Тотэнгэм Готспур» пасьля 13 гадоў, праведзеных у бэрлінскай «Гэрце». Трансфэр адбыўся 31 ліпеня 2007 году й абышоўся ангельцам у 4,7 млн фунтаў. Гулец дэбютаваў у Прэм’ер-лізе 3 лістапада 2007 году ў матчы супраць клюбу «Мідлзбра». Другую палову сэзону 2008—2009 гадоў правёў у арэндзе ў дортмундзкай «Барусіі», згуляўшы за яе 10 матчаў у Бундэсьлізе.

14 жніўня 2010 году перайшоў з ангельскага «Портсмуту» ў італьянскі «Джэноа», падпісаўшы з генуэзцамі 4-гадовы кантракт. Аднак ужо праз чатыры дні, 18 жніўня 2010 году, Кевін-Прынс перайшоў у «Мілян» на правах арэнды з правам наступнага выкупу^[4][5]. За некалькі матчаў Баатэнг даказаў, што ён гулец асновы. 4 сьнежня 2010 году ў матчы 15 туру чэмпіянату Італіі Баатэнг забіў свой ​​першы гол за новы клюб.

30 жніўня 2013 году стала вядома, што гулец сышоў зь «Міляну» й перайшоў у нямецкі клюб «Шальке-04»^[6].

Міжнародная

Кевін-Прынс выступаў за юнацкія й моладзевыя зборныя Нямеччыны. Паўабаронцу прапанавалі гуляць за зборную Ганы на чэмпіянаце сьвету па футболе 2006 году, але ён адмовіўся, чым моцна парадаваў галоўнага трэнэра «Гэрты», і вырашыў выступаць за Нямеччыну. 27 сакавіка 2007 году нямецкія СМІ распаўсюдзілі інфармацыю аб тым, што Баатэнг заявіў трэнэру зборнай Нямеччыны, Ёахіму Лёву, пра свой намер гуляць за зборную Ганы^[7][8].

Дасягненьні

«Тотэнгэм Готспур»:

• Уладальнік Кубка ангельскае лігі: 2008

«Мілян»:

• Чэмпіён Італіі: 2011
• Уладальнік Супэркубка Італіі: 2011

«Айнтрахт»:

• Уладальнік Кубка Нямеччыны: 2018

«Барсэлёна»:

• Чэмпіён Гішпаніі: 2019