Клявіца (Гарадзенская вобласьць)

Кляві́ца^[1] — вёска ў Ашмянскім раёне Гарадзенскай вобласьці. Уваходзіць у склад Граўжышкоўскага сельсавету. Вёска разьмешчана ў пагранічнай зоне^[2].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Клявіца (неадназначнасьць).

Клявіца
трансьліт. Kliavica
Краіна:	Беларусь
Вобласьць:	Гарадзенская
Раён:	Ашмянскі
Сельсавет:	Граўжышкоўскі
Вышыня:	131 м н. у. м.
Насельніцтва:	▼131 чал. (2009)
Часавы пас:	UTC+3
Тэлефонны код:	+375 1593
Паштовы індэкс:	231113
Нумарны знак:	4
Геаграфічныя каардынаты:	54°17′14″ пн. ш. 25°44′18″ у. д.
Клявіца на мапе Беларусі ± Клявіца Клявіца
Галерэя здымкаў у Вікісховішчы

Гісторыя

Вёска вядома з пачатку XVI ст. як двор Васіля Глінскага, потым належала Глябовічам, Грабскім, а ў ХIХ ст. Умястоўскім.

Касьцёл сьв. Антонія быў узьведзены Ўмястоўскімі ў 1799 г. з дрэва і прыпісаны да нарвіліскай парафіі (цяпер Летува) у якасьці філіяльнага (у другой палове ХIХ ст. капліца была далучана да сурвіліскай парафіі Вішнеўскага дэканату). Гэта быў выцягнуты па падоўжанай восі бязьвежавы зальны аб’ём з трохгранным прэзьбітэрыем. Праваруч ад уваходу стаяла званіца, абнесеная бярвяной агароджай. Руіны касьцёлу захоўваліся яшчэ ў 1980-я гг. Сёньня ацалелі толькі парослыя хмызьняком падмуркі (прыблізна 7 на 18 м) на закінутым пагосьце на поўдзень за вёскай, зьлева ад шашы на Летуву.

Насельніцтва

• 2009 год — 131 чалавек^[3]
• 1999 год — 239 чалавек

Славутасьці

• Помнік загінулым у гады Вялікай Айчыннай вайне
• Каталіцкая капліца
• Крыж на скрыжаваньні дарог

• 
  Крыж на скрыжаваньні дарог
• 
  Помнік загінулым у гады Вялікай Айчыннай вайне
• 
  Капліца