Крамяніцкі сельсавет

Крамяні́цкі сельсавет — адміністрацыйна-тэрытарыяльная адзінка ў складзе Зэльвенскага раёну Гарадзенскай вобласьці. Цэнтар — вёска Крамяніца.

Крамяніцкі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Князева[1]
Дата ўтварэньня	12 кастрычніка 1940
Насельніцтва	▼1864 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 12 кастрычніка 1940 году ў складзе Зэльвенскага раёну Баранавіцкай вобласьці БССР. З 20 верасьня 1944 году ў складзе Гарадзенскай вобласьці. З 17 красавіка 1962 году ў складзе Ваўкавыскага раёну. 23 сакавіка 1964 году да сельсавету далучана тэрыторыя скасаванага Самаравіцкага сельсавету. З 30 ліпеня 1966 году ў складзе адноўленага Зэльвенскага раёну.

11 лютага 1972 году да сельсавета далучана тэрыторыя скасаванага Ялуцавіцкага сельсавету. 23 чэрвеня 1980 году ў склад сельсавету з Зэльвенскага сельсавету перададзены вёскі Аўдзеевічы, Вішнеўка, Забагоньне, Мадзейкі, Пасуцічы, Савічы, Сухінічы^[2].

24 жніўня 1981 году з часткі Крамяніцкага сельсавету зноў утвораны Ялуцавіцкі сельсавет.

25 лістапада 2004 году ў склад сельсавету былі перададзеныя 11 населеных пунктаў — Дзеркачы, Жадзейкі, Крамяніца Горная, Крамяніца Дольная, Падгрушаны, Рэксьці, Станелевічы, Сьвінашкі, Тадзіно, Шавулічы, Ялуцавічы — ліквідаванага Ялуцавіцкага сельсавету^[3].

Насельніцтва сельсавету паводле перапісу 2009 году — 2628 чалавек^[4], зь іх 79,3% — палякі, 18,4% — беларусы, 1,7% — расейцы^[5].