Крашэўскія

Крашэ́ўскія, даўней таксама Крашоўскія (па-польску: Kraszewski, Kraszowski) — польскі шляхецкі род гербу Ястрабец, галіна роду Балестаў. Паходзіць з Мазовіі^[1]. Згадваецца ў грамаце князя Земавіта Мазавецкага (1408).

Вікіпэдыя мае артыкулы пра іншых асобаў з прозьвішчам Крашэўскі.

Крашэўскія
Краіна паходжаньня	Мазовія

Адна з галінаў Крашэўскіх атрымала ў 1827 графскі тытул ад Папы Лявона XII.

Род Крашэўскіх быў занесены ў VI і I часткі радаводных кнігаў Валынскай, Кіеўскай і Менскай губэрняў Расейскае імпэрыі.

На Беларусі

У сярэдзіне XVIII стагодзьдзя Крашэўскія набылі ўласнасьць на Пружаншчыне^[1]. Іхнім родавым гняздом стаў маёнтак Доўгае. Да гэтай сям’і належалі славутыя браты Каетан, Люцыян і Юзэф Ігнацы. Маёнтак Крашэўскіх у Доўгім меў вялікую колькасьць навуковых, мастацкіх і мэмарыяльных збораў, у тым ліку лісты Тадэвуша Касьцюшкі, князя Юзэфа Панятоўскага, Юльяна Нямцэвіча і многіх іншых. Усе каштоўнасьці згарэлі разам з хатай у часе Першай сусьветнай вайны^[2].