Кірыл Вяргейчык

Кірыл Вяргейчык (нарадзіўся 23 жніўня 1991 году) — беларускі футбаліст, нападнік. Сын футбаліста і футбольнага функцыянэра Юрыя Вяргейчыка.

Кірыл Вяргейчык
Пэрсанальная інфармацыя
Нарадзіўся	23 жніўня 1991(1991-08-23)[1] (34 гады) Менск, БССР, СССР
Рост	189 см
Вага	80 кг[2]
Пазыцыя	нападнік
Клюбы
Гады	Клюб	Гульні (галы)¹
2008—2015	Шахцёр Салігорск	54 (3)
2012	→ Тарпэда-БелАЗ	11 (2)
2014	→ Дынама Берасьце	27 (4)
2016—2018	Віцебск	70 (20)
2016	Нёман Горадня	11 (0)
2019—2020	Дынама Менск	23 (2)
2020	→ Віцебск	5 (0)
2021—2023	Слуцак	71 (9)
Зборныя
2010—2012	Беларусь (да 21)	5 (0)

Кар’ера

Пачынаў кар’еру ў салігорскім «Шахцёры», дзе галоўным трэнэрам працаваў ягоны бацька. Паступова стаў праходзіць у асноўны склад. Другую палову 2012 году правеў у арэндзе ў «Тарпэда-БелАЗ», дзе стала выходзіў у асноўным складзе. Па заканчэньні сэзону 2012 году вярнуўся ў «Шахцёр». У сэзоне 2013 годзе пачаў часьцей зьяўляцца на полі, звычайна выходзячы на замену.

У сакавіку 2014 году падпісаў арэндны кантракт зь берасьцейскім «Дынама»^[3], дзе трывала выступаў на пазыцыі цэнтральнага або флянгавага нападніка. У сьнежні 2014 году па сканчэньні арэнды вярнуўся ў «Шахцёр»^[4], дзе зноў пераважна толькі выходзіць на зьмену.

У студзені 2016 году прыбыў на прагляд у «Слуцак», але не падышоў клюбу^[5]. Неўзабаве ў сакавіку 2016 году перайшоў у гарадзенскі «Нёман»^[6]. У жніўні 2016 году перайшоў у клюб «Віцебск»^[7] У «Віцебску» спачатку выходзіў на замену, апасьля пачаў зьяўляцца і ў першай адзінаццатцы. У сэзоне 2018 году з 11 галамі стаў адным з найлепшых бамбардзіраў каманды і дапамог ёй заняць высокае чацьвертае месца ў чэмпіянаце Беларусі, а сам трапіў у сьпіс 22 найлепшых гульцоў чэмпіянату.

У студзені 2019 году падпісаў кантракт зь менскім «Дынама»^[8]. Вяргейчык ня здолеў замацавацца ў складзе менчукоў, бо часьцей выходзіў на замену. У верасьні 2020 году на правах арэнды вярнуўся ў «Віцебск»^[9]. Па заканчэньні арэнды ў сьнежні 2020 году пакінуў віцебскую каманду^[10], а неўзабаве разьвітаўся і з «Дынама»^[11].

У лютым 2021 году склаў працоўную дамову з «Слуцкам»^[12]. У сэзоне 2021 году пераважна быў гульцом рэзэрвы. У студзені 2022 году падоўжыў пагадненьне з случакамі^[13]. У студзені 2024 году па заканчэньні кантракту пакінуў «Слуцак»^[14] і завяршыў прафэсійную кар’еру^[15].

Дасягненьні

• Срэбраны прызэр чэмпіянату Беларусі па футболе: 2013
• Бронзавы прызэр чэмпіянату Беларусі па футболе: 2015
• У сьпісе 22 найлепшых футбалістаў чэмпіянату Беларусі: 2018

Статыстыка

Клюб	Сэзон	Чэмпіянат
		Дывізіён	Матчы	Галы
Шахцёр Салігорск	2015	Найвышэйшая ліга	14	2
Нёман Горадня	2016	Найвышэйшая ліга	11	0
Віцебск			14	2
	2017	Найвышэйшая ліга	26	7
	2018	Найвышэйшая ліга	30	11