Леанід Крупец

Леанід Фёдаравіч Крупец (нарадзіўся 18 лістапада 1956) — беларускі дзяржаўны дзяяч, старшыня Менскага аблвыканкаму (7 чэрвеня 2007 — 20 траўня 2010).

Леанід Крупец
Надзвычайны і Паўнамоцны Амбасадар Рэспублікі Беларусь у Фэдэратыўнай Рэспубліцы Бразылія
4 лютага 2011 — 13 чэрвеня 2016
Прэзыдэнт	Аляксандар Лукашэнка
Прэм’ер-міністар	Міхаіл Мясьніковіч
Папярэднік	---
Наступнік	Аляксандар Царкоўскі
Старшыня Менскага аблвыканкаму
7 чэрвеня 2007 — 20 траўня 2010
Прэзыдэнт	Аляксандар Лукашэнка
Папярэднік	Мікалай Дамашкевіч
Наступнік	Барыс Батура
Асабістыя зьвесткі
Нарадзіўся	18 лістапада 1956 в. Макашы, Нясьвіскі раён, Менская вобласьць, БССР
Адукацыя	Расейскі ўнівэрсытэт дружбы народаў[d]
Узнагароды	Ганаровая грамата Нацыянальнага сходу Рэспублікі Беларусь[d] Ганаровая грамата Савету Міністраў Рэспублікі Беларусь

Бiяграфiя

Нарадзіўся ў 1956 годзе ў вёсцы Макашы Нясьвіскага раёну Менскай вобласьці. Працоўную дзейнасьць пачаў у 1975 годзе брыгадзірам паляводчай брыгады калгасу імя Дзяржынскага Нясьвіскага раёну. У 1975—1977 гадах служыў у Савецкім Войску. У 1983 годзе скончыў Унівэрсытэт Сяброўства народаў імя Патрыса Лумумбы ў Маскве. У 1983—1984 гадах працаваў малодшым навуковым супрацоўнікам Беларускага навукова-дасьледчага інстытуту абароны расьлінаў, у 1984—1985 — аграномам-тэхнолягам на Гарадзейскім цукровым камбінаце. У 1985—1986 гадах быў інструктарам Нясьвіскага райкаму КПБ, у 1986—1990 — загадчыкам арганізацыйнага аддзелу Нясьвіскага райкаму КПБ.

З 1990 па 1993 год працаваў намесьнікам старшыні Нясьвіскага раённага Савету дэпутатаў. У 1993—1998 гадах быў першым намесьнікам старшыні райвыканкаму, начальнікам кіраваньня сельскай гаспадаркі і харчаваньня Нясьвіскага райвыканкаму. У 1998 годзе быў прызначаны старшынём Нясьвіскага раённага выканаўчага камітэту. З 2002 да 2007 году займаў пасаду першага намесьніка старшыні Менскага аблвыканкаму. У 2007 годзе быў прызначаны памагатым прэзыдэнта Рэспублікі Беларусь — галоўным інспэктарам па Віцебскай вобласьці.

З 7 чэрвеня 2007 па 20 траўня 2010^[1] году — старшыня Менскага абласнога выканаўчага камітэту. Сябар Савету Рэспублікі Нацыянальнага сходу Рэспублікі Беларусь 4-га скліканьня^[2].

4 лютага 2011 году прызначаны Надзвычайным і Паўнамоцным Амбасадарам Рэспублікі Беларусь у Фэдэратыўнай Рэспубліцы Бразылія^[3]. Адстаўлены з гэтай пасады 13 чэрвеня 2016 году.

Узнагароды

• Узнагароджаны мэдалём «За працоўныя заслугі» (2004)