Лені Кравіц

Леана́рд А́льбэрт «Ле́ні» Кра́віц (анг. Leonard Albert «Lenny» Kravitz, нарадзіўся 26 траўня 1964 году ў Нью-Ёрку) — паўночна-амэрыканскі музыка, сьпявак, прыдусар, мультыінструмэнталіст, актор. Вядомы, перш за ўсё, сваімі песьнямі ў стылі рок і рытм-энд-блюз, вызначаецца чульлівым вакалам і лірычнымі, пранікнёнымі сьпевамі, аддае перавагу ўласнаручнаму запісу ўсіх інструмэнтальных партыяў на сваіх альбомах. Чатыры гады запар — з 1999 па 2002 — атрымліваў Грэмі за «Найлепшае мужчынскае вакальнае рок-выкананьне», а яшчэ чатыры разы намінаваўся на ўзнагароду. Па стане на верасень 2014 г. прадаў блізу 40 мільёнаў музычных запісаў па ўсім сьвеце^[2].

Лені Кравіц Lenny Kravitz
Леанард Альбэрт «Лені» Кравіц (Leonard Albert «Lenny» Kravitz)
Лені Кравіц у ліпені 2013 г. на прэс-канфэрэнцыі ў Сан-Дыега, ЗША
Дата нараджэньня	26 траўня 1964
Месца нараджэньня	Нью-Ёрк, Нью-Ёрк, ЗША[1]
Грамадзянства	ЗША
Месца вучобы	школа Бэвэрлі-Гілз[d] PS 6[d]
Прафэсія	сьпявак, музыка, актор
Гады дзейнасьці	1988 - дасёньня
Псэўданімы	Lenny Kravitz
Жанры	рок-музыка, рэгі, фанк, сучасны рытм-энд-блюз
Вакал	тэнар[d]
Інструмэнты	гітара, бас-гітара, клявішы, бубны
Псэўданімы	Lenny Kravitz
Супрацоўніцтва	Крэйґ Рос, Сіндзі Блэкман
Лэйблы	Virgin, Roadrunner, Atlantic, Kobalt, Loud & Proud
Бацька	Sy Kravitz[d]
Маці	Roxie Roker[d]
Дзеці	Зоі Кравіц[d]
Узнагароды	Аўстрыйская музычная ўзнагарода „Амадэюс“[d] Premios Oye![d] зорка на галівудзкай «Алеі славы»[d] (12 сакавіка 2024) NRJ Music Award d'honneur[d] (2014)
Сайт	http://lennykravitz.tumblr.com/
Лені Кравіц Lenny Kravitz у Вікісховішчы

Біяграфія

Нарадзіўся ў сям’і прадусара тэлеканала «NBC TV News» габрэя Сэймура Кравіца і актрысы Роксі Рокер, чые бацькі паходзілі з Багамскіх выспаў. Дзед Лені Кравіца «па мячы» паходзіў з украінскага габрэйства, а прадзед быў карэнным кіеўчуком.^[3].

З 1987 па 1993 быў жанаты на амэрыканскай акторцы Лізе Банэ. Ад яе мае дачку Зоўі Ізабэлу Кравіц (1988 г.н.), якая таксама спрабуе свае сілы на сцэне. Пазьней сустракаўся з францускай сьпявачкай Ванэсай Парадзі (да 1997), а ў 2002 нават заручыўся з бразыльскай мадэлькай Адрыянай Лімай, але да шлюбу справа не дайшла.

Лені Кравіц часта падкрэсьлівае сваю прыналежнасьць да хрысьціянства. Гэта бачна зь ягоных тэкстаў, татуіровак, надпісаў на сцэнічным адзеньні. Цікавы факт: у 2005 годзе сьпявак абвесьціў, што будзе прытрымлівацца цэлібату (устрыманьня ад сэксуальнага кантакту) да чарговай жаніцьбы, што пацьвердзіў прынамсі яшчэ ў 2011 годзе^[4].

Лені Кравіц і Беларусь

1 лістапада 2014 меўся адбыцца першы канцэрт Лені Кравіца ў Беларусі, на Менск-Арэне, аднак спачатку ён быў перанесены праз хваробу сьпевака, а пасьля канчаткова адменены^[5],^[6].

Дыскаграфія

• Let Love Rule (1989)
• Mama Said (1991)
• Are You Gonna Go My Way (1993)
• Circus (1995)
• 5 (1998)
• Lenny (2001)
• Baptism (2004)
• It Is Time for a Love Revolution (2008)
• Black and White America (2011)
• Strut (2014)
• Raise Vibration (2018)
• Blue Electric Light (2024)

Фільмаграфія

• Скарб (Precious) (2009) — мэдбрат Джон
• Галодныя гульні (2012) — стыліст Цына
• Галодныя гульні: у вагні (2013) — стыліст Цына
• Дварэцкі (2013) — дварэцкі Джэймз Халаўэй

Дзяржаўныя ўзнагароды

• Ордэн Мастацтваў і літаратуры (Францыя, 2011)