Лоша (прыток Ашмянкі)

Ло́ша — рака ў Беларусі, левы прыток ракі Ашмянкі (басэйн Вяльлі). Цячэ ў Ашмянскім і Астравецкім раёнах Гарадзенскай вобласьці. Даўжыня 55 км. Плошча вадазбору 455 км². Выдатак вады ў вусьці 3,9 м³/с. Сярэдні нахіл воднай паверхні 1,34‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Лоша (неадназначнасьць).

Рака

Лоша лац. Łoša
Агульныя зьвесткі
Выток	каля в. Ваўкоўшчыны
Вусьце	Ашмянка
Краіны басэйну	Беларусь
Вобласьці	Гарадзенская вобласьць
Даўжыня	55 км
Сярэднегадавы сьцёк	3,9 м³/с
Плошча басэйну	455 км²
Нахіл воднай паверхні	1,34 ‰
Галерэя здымкаў у Вікісховішчы

Асноўны прыток

• Кавалёўка

На рацэ

• Места: Астравец
• Гістарычнае мястэчка: Гервяты
• Вадасховішча: Янаўскае

Агульныя зьвесткі

Пачынаецца за 1,5 км на паўднёвы ўсход ад вёскі Ваўкоўшчыны Ашмянскага раёну, у вярхоўі цячэ паўночнымі схіламі Ашмянскага ўзвышша, далей празь невялікія лясныя масівы. Упадае ў Ашмянку на паўднёвым захадзе ад вёскі Зарэчча Астравецкага раёну.

Даліна да вёскі Лошы невыразная, ніжэй трапэцападобная; яе шырыня 200—300 м, паміж вёскай Палушамі і местам Астраўцом — да 1 км. Абалона двухбаковая, пераважная шырыня 100—150 м. Рэчышча на працягу 12 км ад вытоку каналізаванае, на астатнім працягу зьвілістае. Берагі стромкія, у вярхоўі абрывістыя.

У месьце Астраўцы сажалка (плошча 0,16 км²), на ўсходзе ад яго ў маляўнічай мясьціне — Янаўскае вадасховішча^[1].