Лукаш Падольскі

Лукаш Падольскі, таксама Люкас Падольскі (празь нямецкае вымаўленьне; па-нямецку: Lukas Podolski, па-польску: Łukasz Podolski; нар. 4 чэрвеня 1985 году, Глівіцы, Польшча) — нямецкі футбаліст польскага паходжаньня, які выступае за забжэскі клюб «Гурнік» з Польшчы на пазыцыі нападніка. Мае на сваім рахунку выступы за нацыянальную зборную Нямеччыны. Чэмпіён сьвету 2014 году.

Лукаш Падольскі
Пэрсанальная інфармацыя
Нарадзіўся	4 чэрвеня 1985(1985-06-04)[1][2][3][…] (40 гадоў) Глівіцы, Катавіцкае ваяводзтва[d], Польшча[4][5]
Рост	182 см
Вага	83 кг
Пазыцыя	флянгавы паўабаронца, паўабаронца
Клюбная інфармацыя
Клюб	Гурнік Забжэ
Нумар	10
Клюбы
Гады	Клюб	Гульні (галы)¹
2003	Кёльн II[d]	2 (0)
2003—2006	Кёльн	81 (46)
2006—2009	Баварыя	71 (15)
2007—2008	Баварыя II[d]	2 (0)
2009—2012	Кёльн	88 (33)
2012—2015	Арсэнал Лёндан	60 (19)
2015	→ Інтэрнацыянале	17 (1)
2015—2017	Галатасарай	56 (20)
2017—2020	Вісэл Кобэ‎[d]	52 (15)
2020—2021	Антальяспор	40 (6)
2021—4	Гурнік Забжэ	109 (23)
Зборныя
2004	Нямеччына (да 21)[d]	5 (0)
2004—2017	Нямеччына	130 (49)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 26 траўня 2025.

Раньнія гады

Лукас Падольскі нарадзіўся на тэрыторыі былой Верхняй Сылезіі, у спартовай сям’і Крысьціны і Вальдэмара Падольскіх. Ягоная маці выступала за жаночую зборную Польшчы па гандболе, а бацька быў прафэсійным футбалістам, у складзе клюбу «Шамбэркі» з гораду Бытаму ў 1980 годзе ў станавіўся чэмпіёнам Польшчы. У 1987 годзе сям’я вырашыла эміграваць у Заходнюю Нямеччыну ў якасьці этнічных немцаў^[6]. Лукас гадаваўся ў Бэрггайме, а пазьней у Пульгайме — невялікіх гарадах каля Кёльну.

Клюбная кар’ера

Вяртаньне ў «Кёльн»

Улетку 2009 году Падольскі вярнуўся ў «Кёльн», падпісаўшы 4-гадовы кантракт^[7][8]. У свой час Лукас пасьля чэмпіянату сьвету 2006 году перайшоў з «Кёльну» ў мюнхэнскую «Баварыю», але ў новай камандзе ў Падольскі ня надта заладзілася. Акрамя таго, догляду Лукаса з «Баварыі» паспрыяла рашэньне кіраўніцтва клюбу летам набыць харвацкага нападніка «Гамбургу» Івіцу Оліча.

«Арсэнал»

30 красавіка 2012 году было абвешчана, што Падольскі ў летні трансфэрны час пяройдзе ў лёнданскі «Арсэнал», падпісаўшы 4-гадовы кантракт^[9].

«Інтэрнацыянале»

5 студзеня 2015 году Падольскі быў ададзены ў арэнду мілянскаму «Інтэру» тэрмінам на паўгады з правам далейшага набыцьця. Ужо на наступны дзень гулец быў заяўлены на матчы супраць турынскага «Ювэнтуса» і выйшаў на пляцоўку ў другім тайме. Гульня скончылася ўнічыю зь лікам 1:1.

Зборная

У канцы сэзону 2003—2004 гадоў «Кёльн» растаўся з Бундэсьлігай, аднак гульня Падольскі настолькі ўразіла трэнэра галоўнай нямецкай зборнай Рудзі Фёлера, што той запрасіў яго ў сваю каманду. Дэбют форварда ў зборнай Нямеччыны адбыўся 6 чэрвеня 2004 году ў Кайзэрсьляўтэрне ў матчы супраць зборнай Вугоршчыны, Падольскі выйшаў на замену ў самым канцы гульні.

Дасягненьні

«Баварыя»:

• Чэмпіён Нямеччыны: 2008
• Уладальнік Кубка Нямеччыны: 2008

«Арсэнал»:

• Уладальнік Кубка Ангельшчыны: 2014

«Галатасарай»:

• Уладальнік Кубка Турэччыны: 2016
• Уладальнік Супэркубка Турэччыны: 2015, 2016

«Вісэл Кобэ»:

• Уладальнік Кубка Японіі: 2019

Нямеччына:

• Чэмпіён сьвету: 2014
• Бронзавы прызэр чэмпіянату сьвету: 2006, 2010
• Срэбраны прызэр чэмпіянату Эўропы: 2008