Люблінскі замак

Люблінскі замак (па-польску: Zamek Lubelski) — абарончы й палацавы архітэктурны комплекс у польскім горадзе Любліне, заснаваны ў XII стагодзьдзі пры каралі Казімеры II^[2]. У 1831—1954 гадох замак выкарыстоўваўся як турма, а з 1957 году ў ім разьмесьціўся Музэй гісторыі Любліну.

замак
Люблінскі замак польск. Zamek Lubelski
Краіна	Польшча
Месцазнаходжаньне	Люблін
Каардынаты	51°15′02″ пн. ш. 22°34′20″ у. д.
Дата заснаваньня	XII ст.
Будаваньне	XII ст.—???
Статус	нерухомая славутасьць[d][1]
Сайт	muzeumlubelskie.pl
Люблінскі замак на мапе Польшчы Люблінскі замак
Люблінскі замак на Вікісховішчы

Гісторыя

Замак на карціне 1810 году

Фатаграфія замку, 1860 год

Пачатак будаўніцтва замку зьвязаны з утварэньнем Люблінскага кашталяну ў XII стагодзьдзі. У час кіраваньня Казімеры II умацаваны горад быў узьведзены на пагорку, падмацаваным земляным валам. У другой палове ХІІІ стагодзьдзя на паўднёвым схіле пагорку быў пабудаваны данжон ў раманскім стылі, вышынёй 30 мэтраў.

Каля 1520 году Жыгімонт I Стары загадаў перабудаваць замак у стылі рэнэсанс. У той час былі пабудаваныя новая брама зь вежай. У 1569 годзе, падчас правядзеньня сойму, кароль Жыгімонт Аўгуст сустракаўся з амбасадарамі ў залях Люблінскага замку, у выніку чаго была падпісана Люблінская унія. Падчас вайны са швэдамі ў замку знаходзіўся кароль Ян Казімер.

У 1824—1826 гг. замак быў адбудаваны ў нэагатычным стылі і стаў выкарыстоўвацца ў якасьці турмы, у т.л. падчас Паўстаньня 1863—1864 гадоў і часоў нямецкай акупацыі 1939—1944 гадоў. З 1957 году ў замку дзейнічае Музэй гісторыі Любліну.

Замкавая капліца

Верагодна ў XIV стагодзьдзі ва ўсходняй частцы замку была пабудавана капліца Сьвятой Тройцы. У 1418 годзе майстар Андрэй зкончыў працу над фрэскамі, якія ўлучаюць у сябе элемэнты заходняга і ўсходне-бізантыйскага стыляў^[3].

Галерэя

• 
  Фасад замку
• 
  Фатаграфія замку 1826 год
• 
  Галоўная брама
• 
  Аглядная вежа ў сярэдзіне замку
• 
  Дзядзінец
• 
  Фрэска ў капліцы Сьвятой Тройцы