Любоў (пасёлак)

Любо́ў^[1] — пасёлак у Беларусі. Уваходзіць у склад Пірэвіцкага сельсавету Жлобінскага раёну Гомельскай вобласьці. Насельніцтва 50 чал. (2004). Знаходзіцца за 12 км на паўднёвы ўсход ад места Жлобін, за 2 км ад чыгуначнай станцыі Салтанаўка (лінія Жлобін — Гомель), за 101 км ад Гомелю. На поўначы мяжуе зь лесам.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Любоў (неадназначнасьць).

Любоў
Першыя згадкі:	1920-я
Вобласьць:	Гомельская
Раён:	Жлобінскі
Сельсавет:	Пірэвіцкі
Насельніцтва:	50 чал. (2004)
Часавы пас:	UTC+3
Геаграфічныя каардынаты:	52°48′16.2″ пн. ш. 30°18′26.1″ у. д.
Любоў на мапе Беларусі Любоў

Транспартныя сувязі па прасёлкавай, а затым аўтамабільнай дарозе Бабруйск — Гомель. Пляніроўка складаецца зь ледзь выгнутай вуліцы, арыентаванай з паўднёвага захаду на паўночны ўсход і забудаванай двухбакова, драўлянымі сядзібамі.

Гісторыя

Заснаваны ў пачатку 1920-х у былым фальварку Новы Двор. У 1929 годзе жыхары ўступілі ў калгас. Паводле перапісу 1959 году ў складзе саўгасу «Пірэвіцкі» (цэнтар — вёска Пірэвічы).

Насельніцтва

• XX стагодзьдзе: 1925 — 21 гаспадарка; 1959 — 232 жыхары (паводле перапісу)
• XXI стагодзьдзе: 2004 — 38 гаспадарак, 50 жыхароў^[2]