Люкас Барыяс

Лю́кас Ба́рыяс (па-гішпанску: Lucas Barrios; нар. 13 лістапада 1984 году, Сан-Фэрнанда, Аргентына) — парагвайскі футбаліст, нападнік. Гулец нацыянальнай зборнай Парагваю.

Люкас Барыяс
Пэрсанальная інфармацыя
Нарадзіўся	13 лістапада 1984(1984-11-13)[1][2][3] (40 гадоў) Сан-Фэрнанда[d], Буэнас-Айрэс, Аргентына
Рост	189 см
Вага	90 кг
Пазыцыя	нападнік
Клюбы
Гады	Клюб	Гульні (галы)¹
2003—2004	Архэнтынас Хуніёрс	15 (5)
2003—2004	→ Тыгрэ[d]	16 (0)
2005	Дэпортэс Тэмука[d]	28 (12)
2005—2006	Тыра Фэдэраль[d]	12 (1)
2006—2007	Кабрэлёа[d]	39 (26)
2007	Атляс Гвадаляхара	14 (1)
2008—2009	Колё-Колё	53 (49)
2009—2012	Барусія Дортмунд	82 (39)
2012—2013	Гуанчжоў[d]	17 (5)
2013—2015	Спартак Масква	16 (2)
2014—2015	→ Манпэлье	33 (11)
2015—2017	Палмэйрас	22 (6)
2017	Грэмію	17 (4)
2018	Архэнтынас Хуніёрс	12 (4)
2018	Колё-Колё	18 (4)
2019	Уракан	23 (4)
2021	Дэфэнса і Хустысія	12 (2)
2023	Спартыва Трынідэнсэ[d]	19 (4)
2023—2024	Спартыва Люкеньнё[d]	30 (4)
Зборныя
2010—2017	Парагвай	36 (10)
¹ Колькасьць гульняў і галоў за прафэсійны клюб лічыцца толькі для нацыянальнай лігі. ² Колькасьць гульняў і галоў за нацыянальную зборную ў афіцыйных матчах, адкарэктавана на 18 лістапада 2016.

Кар’ера

Барыяс прыйшоў да славы, як пэрспэктыўны гулец клюбу «Кабрэлёа», дзе ён шмат забіваў. Да пераходу ў гэты клюб Люкас правёў большую частку сваёй прафэсійнай кар’еры ў другім дывізіёне чэмпіянату Аргентыны.

У пачатку 2008 году клюб «Колё-Колё» арандаваў Барыяса на шэсьц месяцаў з мэтай умацаваньня складу для ўдзелу ў Кубку Лібэртадорэс ў 2008 годзе. У наступным чылійскі клюб выкупіў кантракт нападніка. У 2008 годзе ў 44 матчах за «Колё-Колё» парагвайскі футбаліст забіў 38 галоў і стаў найлепшым бамбардзірам як чылійскай Кляўсуры, гэтак і Апэртуры. Люкас амаль падпісаў чатырохгадовы кантракту з францускім клюбам «Нансі» напачатку 2009 году, аднак прэзыдэнт «Колё-Колё» 12 студзеня адхіліў прапанову французаў, заявіўшы пры гэтым, што клюб будзе разглядаць далейшыя прапановы.

У ліпені 2009 году Барыяс перайшоў у дортмундзкую «Барусію». Сума трансфэру склала 3,5 млн эўра^[4]. У сваім першым сэзоне ён стаў найлепшым бамбардзірам каманды, забіўшы 23 мячы ва ўсіх турнірах. У наступным сэзоне вызначыўся 21 раз ва ўсіх афіцыйных турнірах, у якіх прымаў удзел нямецкі клюб. 2 траўня 2012 году гулец перайшоў у склад кітайскага клюбу «Гуанчжоў Эвэргранд». Улетку 2013 году ён ужо быў гульцом расейскага «Спартака», а праз сэзон знаходзіўся ў арэндзе ў францускім «Манпэлье».

18 ліпеня 2015 году стала вядома, што гулец працягне кар’еру ў Бразыліі, падпісаўшы кантракт з клюбам «Палмэйрас».

Дасягненьні

Клюбныя

«Колё-Колё»:

• Чэмпіён Чылі: 2008(к)

«Барусія»:

• Чэмпіён Нямеччыны: 2011, 2012
• Уладальнік Кубка Нямеччыны: 2012

«Гуанчжоў Эвэргранд»:

• Чэмпіён Кітаю: 2012
• Уладальнік Кубка Кітаю: 2012
• Пераможца Лігі чэмпіёнаў АФК: 2013

«Палмэйрас»:

• Чэмпіён Бразыліі: 2016
• Уладальнік Кубка Бразыліі: 2015

«Грэмію»:

• Уладальнік Кубка Лібэртадорэс: 2017

Парагвай:

• Срэбраны прызэр Кубка Амэрыкі: 2011