Грэмію Порту-Алегры

«Грэ́мію» (па-партугальску: Grêmio) — бразыльскі футбольны клюб з гораду Порту-Алегры. Акрамя найвышэйшай лігі чэмпіянату Бразыліі, якая вядомая пад назовам «Сэрыя A», клюб гуляе ў чэмпіянаце штату Рыю-Грандзі-ду-Сул. Клюб быў заснаваны ў 1903 годзе ангельскімі і нямецкімі мігрантамі. Асноўнымі колерамі клюбу зьяўляецца чорны, сіні і белы. Хатнія матчы клюб праводзіць на сучасным стадыёне «Арэна ду Грэмію», які быў пабудаваны напрыканцы 2012 году. Папяэднія матчы клюб праводзіў на сваім старым «Алімпіку Манумэнтал» з 1954 году.

Грэмію
Поўная назва	Grêmio Foot-Ball Porto Alegrense
Заснаваны	15 верасьня 1903
Горад	Порту-Алегры, Бразылія
Стадыён	Арэна ду Грэмію Умяшчальнасьць: 55 662
Прэзыдэнт	Рамілду Болсан[d]
Галоўны трэнэр	Густава Кінтэрас[d][1]
Чэмпіянат	Сэрыя A
· 2024	14 месца
Галерэя здымкаў у Вікісховішчы gremio.net (парт.)

Па стане на 2017 год «Грэмію» займаў першы радок рэйтынгу клюбаў Бразыльскай канфэдэрацыі футболу^[2] і быў адзначаны кампаніяй Forbes як трэці паводле кошту футбольны клюб у Амэрыцы, паводле ацэнак кошт клюбу складаў каля 295,5 млн даляраў ЗША^[3]. Галоўным супернікам клюбу ёсьць клюб «Інтэрнасьёнал», матчы супраць якога лічацца самымі гарачымі ў Бразыліі^[4][5] і аднымі з самых гарачых у сьвеце^[6][7]. Матчы гэтага дэрбі вядомыя як Грэнал.

Гісторыя

7 верасьня 1903 году найстарэйшая футбольная каманда Бразыліі «Спорт Клюб Рыю-Грандзі» згуляла таварыскі матч у Порту-Алегры. Прадпрымальнік Кандыду Дыяс з Саракабы быў зачараваны гэтым відам спорту. Пасьля матчу ён абмеркаваў зь мясцовымі гульцамі ідэю аб стварэньні футбольнага клюбу. 15 верасьня 1903 году 32 чалавекі, у тым ліку сам Дыяс, сустрэліся ў мясцовым рэстаране Салан Граў, каб стварыць клюб «Грэмію». Большасьць заснавальнікаў былі прадстаўнікамі нямецкай супольнасьці гораду^[8]. Карлус Луіс Борэр быў абраны першым прэзыдэнтам каманды^[9].

«Грэмію» ў 1904 годзе.

Першы матч клюбу адбыўся 6 сакавіка 1904 году супраць каманды «Фус Бол». Гэта быў першы з двух матчаў, згуляных у той дзень. «Грэмію» здабыў перамогу ў дэбютнай сустрэчы зь лікам 1:0. На жаль, імя гульца, які забіў першы гол клюбу, ужо страчанае. Трафэй, які «Грэмію» здабыў у той дзень дагэтуль выстаўляецца ў клюбным музэі. Праз 5 месяцаў клюб адкрыў Байшаду, свой першы хатні стадыён^[10].

Футбалісты «Грэмію», якія сталі пераможцамі чэмпіянату штату ў 1932 годзе.

18 ліпеня 1909 году каманда перамагла «Інтэрнасьёнал» зь лікам 10:0 у дэбютным матчы апошняга. Як вядома, што брамнік «Грэмію» Кальфэльц пакінуў поле, каб пагутарыць з заўзятарамі падчас матчу. Нават цяпер гэтую перамогу з гонарам успамінаюць «грэмісты». Матч стаў пачаткам суперніцтва, якое цягнецца і дагэтуль. «Грэмію» быў адным з фундатараў футбольнай лігі Порту-Алегры ў 1910 годзе, а ў 1911 годзе ўпершыню стаў пераможцам гэтай лігі. 25 жніўня 1912 году ў матчы гарадзкой лігі «Грэмію» перамог «Спорт Клюб Насьянал» зь лікам 23:0. У 1918 годзе «Грэмію» стаў адным з заснавальнікаў сучаснай футбольнай фэдэрацыі штату, якая ў сваю чаргу стала арганізатарам першых чэмпіянатаў штату Рыю-Грандзі-ду-Сул. Першы такі чэмпіянат быў заплянаваны на 1918 год, але эпідэмія гішпанскага грыпу вымусіла адкласьці турнір да 1919 году. У 1921 годзе, праз год пасьля прыходу легендарнага брамніка Эўрыку Лары, «Грэмію» выйграў свой першы чэмпіянат штату.

7 ліпеня 1911 году клюб перамог зборную Ўругваю зь лікам 2:1. У 1931 годзе «Грэмію» стаў адным зь першых клюбаў Бразыліі, якія пачалі гуляць матчы ўвечары пасьля абсталяваньня стадыёну адмысловымі пражэктарамі. У гэты час каманда пачала здабываць рэпутацыю за мяжой. У 1932 годзе клюб згуляў свой першы міжнародны матч ва Ўругваі. У 1949 годзе матч супраць уругвайскага «Насьяналю» скончыўся перамогай «Грэмію» зь лікам 3:1, і гульцы атрымалі геройскі прыём па вяртаньні ў Порту-Алегры. У тым жа годзе бразыльцы ўпершыню згулялі ў Цэнтральнай Амэрыцы. У канцы 1950-х гадоў «Грэмію» далучыўся да розыгрышу Кубка Бразыліі, як у той час называлася бразыльская ліга. Каманда даходзіла да паўфіналаў у 1959, 1963 і 1967 гадах. У 1968 годзе каманда здабыла свой першы міжнародны тытул у таварыскім кубку з камандамі з Бразыліі і Ўругваю. Першы час дамінаваньня «Грэмію» ў паўднёваамэрыканскім футболе прыпаў на пачатак 1980-х гадоў. Клюб упершыню стаў чэмпіёнам Бразыліі 3 траўня 1981 году пасьля перамогі над «Сан-Паўлу» на стадыёне Марумбі ў Сан-Паўлу.

Дасягненьні

Каманда «Грэмію» перад першым фіналам Кубка Лібэртадорэс 1983 году.

• Чэмпіён Бразыліі: 2

1981, 1996

• Кубак Бразыліі: 5

1989, 1994, 1997, 2001, 2016

• Супэркубак Бразыліі: 1

1990

• Чэмпіён штату Рыю-Грандзі-ду-Сул: 43

1921, 1922, 1926, 1931, 1932, 1946, 1949, 1956, 1957, 1958,

1959, 1960, 1962, 1963, 1964, 1965, 1966, 1967, 1968, 1977

1979, 1980, 1985, 1986, 1987, 1988, 1989, 1990, 1993, 1995

1996, 1999, 2001, 2006, 2007, 2010, 2018, 2019, 2020, 2021

2022, 2023, 2024

• Кубак Лібэртадорэс: 3

1983, 1995, 2017

• Міжкантынэнтальны кубак: 1

1983

• Рэкопа Паўднёвай Амэрыкі: 2

1996, 2018

Склад

Актуальны на 20 ліпеня 2025 году

№ Пазыцыя Імя Год нараджэньня 1 Бр Т’ягу Вулпі  1990 2 Аб Жуан Лукас  1998 3 Аб Вагнэр Леанарду  1999 4 Аб Вальтэр Канэман  1991 5 Аб Радрыгу Элі  1993 6 ПА Густава Куэльяр  1992 7 Нап Крыстыян Павон 1996 8 ПА Эдэнілсан  1989 9 Нап Франсіс Амюзю  1999 10 ПА Франка Крыстальда  1996 11 ПА Мігель Мансальвэ  2004 12 Бр Габрыел Шапэку  2000 14 ПА Натан Алан  1996 15 ПА Камілу  1999 16 Нап Аляксандар Аравэна  2002 17 ПА Додзі  1996 18 Аб Жуан Пэдру  1996 20 ПА Матыяс Вільясанці  1997

№ Пазыцыя Імя Год нараджэньня 21 Аб Жэмэрсан  1992 22 Нап Мартын Брэйтўэйт  1991 23 Аб Марлун Шавіер  (ар. Крузэйру) 1997 25 Аб Лукас Эстэвэс  2000 31 Бр Жоржы 2001 34 Аб Ігар Сэротэ  2005 35 ПА Роналд  2003 36 Аб Луан Кандыду  (ар. РБ Брагантыну) 2001 37 ПА Габрыел Мэк 2008 44 Аб Віеры 2005 47 Нап Алісан Эдвард  2006 53 Аб Густаву Мартынс  2002 77 Нап Андрэ Энрыке  2001 80 ПА Алекс Сантана  (ар. Карынтыянс) 1995 99 Нап Крыстыян Алівэра  2002 — ПА Фэліпэ Карбальлё  1996 — ПА Габрыел Сылва 2002