Лясная (Магілёўская вобласьць)

Лясна́я^[4] — вёска ў Прапойскім раёне Магілёўскай вобласьці. Уваходзіць у склад Лапаціцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Лясная.

Лясная
Сьвята-Петра-Паўлаўскі храм-помнік
Першыя згадкі:	пачатак 18 ст.
Краіна:	Беларусь
Вобласьць:	Магілёўская
Раён:	Прапойскі
Сельсавет:	Лапаціцкі
Вышыня:	156[1] м н. у. м.
Насельніцтва:	398 чал. (2011)[2]
Часавы пас:	UTC+3
Тэлефонны код:	+375 2246
Паштовы індэкс:	213251[3]
СААТА:	7250824021
Нумарны знак:	6
Геаграфічныя каардынаты:	53°33′0″ пн. ш. 30°55′12″ у. д.
Лясная на мапе Беларусі ± Лясная Лясная
Галерэя здымкаў у Вікісховішчы

Гісторыя

У 1670 годзе згадваецца як фальварак у Аршанскім павеце ВКЛ^[5]. У 1675 згадваецца як вёска ва ўладаньні ў Войцеха Серафіновіча.^[6] 28 верасьня [ст. ст. 9 кастрычніка] 1708 году тут адбылася бітва пад Лясной паміж швэдзкімі й расейскімі войскамі — адна з найважнейшых бітваў Вялікай Паўночнай вайны. У 1783 годзе вёска належала пану Ціхнавецкаму. Землі тут пясчаныя, малаўрадлівыя, у выніку чаго ў час сталыпінскай аграрнай рэформы ў пачатку XX стагодзьдзя многа жыхароў перасялілася ў Сыбір^[7]. У 1913 г. дзейнічала школа^[8].

5 кастрычніка 2008 году ў Лясной прайшлі ўрачыстыя мерапрыемствы з нагоды 300-годзьдзя бітвы пад Лясной, у якіх удзельнічалі прадстаўнікі Беларусі, Расеі й Швэцыі^[9][10]. У гэты дзень на тэрыторыі мэмарыялу быў закладзены памятны Сад міру й згоды^[11].

Славутасьці

• Мэмарыяльная капліца пачатку 20 ст.^[12], праект рэстаўрацыі якой зрабіў беларускі архітэктар Валерый Слюнчанка^[13].
• Сьвята-Петра-Паўлаўскі храм-помнік
• Сад міру й згоды (2008)

Насельніцтва

• 1783 год — 171 чалавек^[7]
• 1926 год — 563 чалавекі^[7]
• 1999 год — 376 чалавек
• 2007 год — 133 двары, 317 чалавек^[14]
• 2011 год — 398 чалавек

Інфраструктура

У вёсцы дзейнічаюць крама, паштовае аддзяленьне сувязі, АТС, установа культуры «Лясьнянскі сельскі дом культуры», бібліятэка-музэй, урачэбная амбуляторыя, ДУА «Лясьнянскі вучэбна-пэдагагічны комплекс дзіцячы сад-пачатковая школа», спартовы аздараўленчы комплекс, комплексны прыёмны пункт^[2].