Макрэц

Макрэ́ц^[1] — вёска ў Наваградзкім раёне Гарадзенскай вобласьці, уваходзіць у склад Пятрэвіцкага сельсавету.

Макрэц
трансьліт. Makrec
Краіна:	Беларусь
Вобласьць:	Гарадзенская
Раён:	Наваградзкі
Сельсавет:	Пятрэвіцкі
Насельніцтва:	56 чал. (2010)
Часавы пас:	UTC+3
Тэлефонны код:	+375 1597
Паштовы індэкс:	231412
Нумарны знак:	4
Геаграфічныя каардынаты:	53°39′50″ пн. ш. 25°40′45″ у. д.
Макрэц на мапе Беларусі ± Макрэц Макрэц

Гісторыя

У 1561 годзе — сядзібны маёнтак Уселюб^[2]. У 1567 годзе — маёнтак Наваградзкага павету, уласнасьць В. П. Вярыгі, які выстаўляў у войска аднаго каня^[3]. У 1777 годзе — вёска маёнтку Ўселюб Уселюбскай парафіі, 20 дымоў. У 1798 годзе вёска Ўселюбскай Уніяцкай парафіі Наваградзкага дэканату, 16 дамоў. У 1870 годзе — ва Ўселюбскай воласьці, праваслаўны прыход, 45 рэвіскіх душ сялянаў-уласьнікаў. У Макрэцкай сельскай грамадзе: 20 паселішчаў, 497 рэвіскіх душ. У 1897 годзе — вёска, 23 двары, 164 жыхары (84 мужчыны, 80 жанчын), збожжазапасны магазін. У 1909 годзе — вёска, 13 двароў, 178 жыхароў. У 1921 годзе — вёска Ўселюбскай гміны, 28 жылых будынкаў, 139 жыхароў (64 мужчыны, 75 жанчын). 1982 — вёска Пятрэвіцкага сельскага савету, у калгасе імя У. У. Маякоўскага. У 1995 годзе — вёска Пятрэвіцкага сельсавету, у калгасе імя Маякоўскага, 55 двароў, 127 жыхароў, магазін. У 2007 годзе — вёска Пятрэвіцкага сельсавету, у калгасе імя Маякоўскага, 55 двароў, 44 жыхары, магазін. У 2008 годзе — вёска Пятрэвіцкага сельсавету, у калгасе імя Маякоўскага, 47 дамоў, зь іх: жылыя — 32, пустыя — 17, жыхароў — 62, магазін.

Насельніцтва

• 2010 год — 56 чалавек
• 2008 год — 62 чалавекі
• 1999 год — 98 чалавек

Асобы

• Канстанцін Казлоўскі — праведнік сьвету, разам зь сям’ёю на хутары каля вёскі перапраўляў жыдоў у партызанскі атрад Тувіі Бельскага, празь яго хату агулам прайшло больш за 500 чалавек^[4].