Максім Рыбакоў

Максім Рыбакоў (нарадзіўся 23 ліпеня 1993 году) — беларускі футбаліст, паўабаронца шклоўскага «Спартака».

Максім Рыбакоў
Пэрсанальная інфармацыя
Нарадзіўся	23 ліпеня 1993(1993-07-23)[1] (32 гады) Шклоў, Магілёўская вобласьць, Беларусь
Рост	171 см
Вага	68 кг
Пазыцыя	паўабаронца
Клюбная інфармацыя
Клюб	Спартак Шклоў
Нумар	23
Клюбы
Гады	Клюб	Гульні (галы)¹
2010	Спартак Шклоў	24 (0)
2013—2017	Дняпро Магілёў	92 (3)
2018—2019	Белшына	11 (1)
2020—2021	Дняпро Магілёў	49 (11)
2022—4	Спартак Шклоў	4 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 8 кастрычніка 2022.

Кар’ера

Навучаўся ў адмысловай футбольнай клясе Менскай сувораўскай вучэльні. З 2010 году гуляў за «Спартак» з роднага Шклова ў Другой лізе і чэмпіянаце вобласьці. У 2011 годзе далучыўся да магілёўскага «Дняпра», дзе пачаў выступаць за дубль. Паводле вынікаў сэзону 2011 году «Дняпро» выбыў у Першую лігу і дубль быў расфармаваны. Максім пачаў гуляць за фарм-клюб «Дняпро-2» у Другой лізе, дзе у 35 матчах адзначыўся 15 галамі. Па вяртаньні магілёўскага клюбу ў элітны дывізіён у 2013 годзе зноў выступаў за дубль, але часам прыцягваўся да асноўнай каманды. У канцы 2014 году зьяўляўся ў стартавым складзе магіляўчанаў, аднак паводле вынікаў сэзону «Дняпро» зноў выбыў у Першую лігу.

У 2015—2016 гадах гуляў за магілёўскую каманду ў Першай лізе, звычайна выходзячы на замену. Паводле вынікаў сэзону 2016 году дапамог клюбу вярнуцца ў Найвышэйшую лігу. У сьнежні 2016 году падоўжыў кантракт з магіляўчанамі на адзін год^[2]. У сэзоне 2017 году ня меў трывалага месца ў асноўным складзе, часам заставаўся на лаўцы запасных.

У студзені 2018 году пакінуў «Дняпро»^[3] і неўзабаве стаў гульцом «Белшыны»^[4]. Пачынаў сэзон у першай адзінаццатцы, але пазьней атрымаў траўму і зь ліпеня да канца сэзону не зьяўляўся на полі. У студзені 2019 году падоўжыў кантракт зь «Белшынай»^[5]. Сэзон 2019 году амаль цалкам прапусьціў праз траўмы. Толькі ў лістападзе зноў зьяўляўся на полі.

У студзені 2020 году зноў далучыўся да «Дняпра»^[6]. Стаў асноўным гульцом каманды і дапамог ёй перамагчы ў Другой лізе. У студзені 2021 году падоўжыў кантракт з магілёўскім клюбам^[7]. У сэзоне 2021 году заставаўся асноўным гульцом магіляўчанаў. У студзені 2022 году пакінуў «Дняпро»^[8] і завяршыў прафэсійную кар’еру^[9], у якасьці аматара пачаў выступаць за шклоўскі «Спартак».

Статыстыка

Клюб	Сэзон	Чэмпіянат
		Дывізіён	Матчы	Галы
Дняпро Магілёў	2015	Першая ліга	23	1
	2016	Першая ліга	26	2
	2017	Найвышэйшая ліга	19	0
Белшына	2018	Першая ліга	8	1