Маркус Пэтэрсан

Ма́ркус Пэ́тэрсан (па-швэдзку: Marcus Pettersson; нар. 8 траўня 1996 году) — швэдзкі хакеіст, абаронца клюбу «Ванкувэр Кэнакс» з Нацыянальнай хакейнай лігі. Мае мянушку Цмок.

Маркус Пэтэрсан
Рост	194 см[1]
Вага	73 кг
Пазыцыя	абаронца
Кідок/Ловы	левы[d]
Грамадзянства	Швэцыя[1]
Дата нараджэньня	8 траўня 1996(1996-05-08)[1] (29 гадоў)
Месца нараджэньня	Шэлефтэо[d], Вэстэрботэн, Швэцыя
Клюб	Ванкувэр Кэнакс
Выступаў за	Шэлефтэо АІК Віта Гэстэн Сан-Дыега Галз Анагайм Дакс Пітсбург Пінгвінз
Драфт НХЛ	38, 2014 Анагайм Дакс
Гульнявая кар’ера	2013 — цяпер

Кар’ера

Прайшоў праз структуру клюбу «Шэлефтэо АІК», у складзе якога дэбютаваў у сэзоне 2013—2014 гадоў. Менавіта пасьля першага свайго чэмпіянату быў абраны на драфце НХЛ клюбам «Анагайм Дакс» у трэцім раўндзе пад агульным 38 нумарам^[2]. 13 чэрвеня 2015 году склаў кантракт пачаткоўца з амэрыканскім клюбам тэрмінам на тры гады^[3]. Пасьля гэтага быў аддадзены ў арэнду свайму былому швэдзкаму клюбу. Пэтэрсан быў выкліканы ў НХЛ 21 лютага 2018 году^[4], а сваю першую шайбу закінуў 4 сакавіка ў матчы супраць «Чыкага Блэкгокс»^[5].

Пэтэрсан у студзені 2025 году ў матчы за «Пітсбург Пінгвінз».

У сэзоне 2018—2019 гадоў 3 сьнежня 2018 году абаронца быў абменены каліфарнійцамі ў «Пітсбург Пінгвінз» на Даніеля Спронга^[6]. Свой першы гол за новы клюб забіў 7 лютага 2019 году ў матчы супраць «Флорыды Пантэрз»^[7]. 12 верасьня 2019 году швэд склаў новую працоўную ўгоду з «Пінгвінз» на адзін год на суму 874 125 даляраў^[8]. Ужо 28 студзеня 2020 году ўзгодніў новую дамову тэрмінам на пяць гадоў на крыху больш за 20 мільёнаў даляраў^[9].

31 студзеня 2025 году Пэтэрсан быў абменены ў «Ванкувэр Кэнакс» разам з форвардам Дру О’Конарам у абмен на нападніка Дэнтана Гайнэна, абаронцу Вэнсана Дэарнэ, а таксама маладога скрайняга гульца Мэльвіна Фэрнстрэма і ўмоўны выбар драфту ў першым раўндзе 2025 году^[10]. 5 лютага Пэтэрсан склаў з канадзкай камандай шасьцігадовы кантракт на 33 мільёны даляраў^[11].