Ванкувэр Кэнакс

Ванкувэр Кэнакс (па-ангельску: Vancouver Canucks) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Ванкувэр, правінцыя Брытанская Калумбія, Канада. «Кэнакс» далучыўся да НХЛ у 1970 годзе пры пашырэньні лігі поруч з «Бафала Сэйбрз». У сваёй гісторыі клюб тройчы дасягаў фіналу Кубка Стэнлі, кожны раз зьведаючы паразы ад «Нью-Ёрк Айлэндэрз» у 1982 годзе, «Нью-Ёрк Рэйнджарз» у 1994 годзе і «Бостан Бруінз» у 2011 годзе. Клюб выцягнуў з абарачэньня шэсьць нумароў у пашану да сваіх зорных гульцоў: Павал Бурэ (10), Стэн Сьміл (12), Трэвар Ліндэн (16), Маркус Нэсьлюнд (19), Даніель Сэдын (22) і Гэнрык Сэдын (33). Усе з памянёных хакеістаў, акрамя Бурэ і Даніеля Сэдына, выконвалі абавязкі капітана каманды. Усе, акрамя Нэсьлюнда, былі ўдзельнікамі фіналу Кубка Стэнлі, абараняючы колеры Ванкувэра.

Ванкувэр Кэнакс
Дывізіён	Ціхаакіянскі
Канфэрэнцыя	Заходняя
Краіна	Канада
Горад	Ванкувэр, Брытанская Калумбія
Заснаваны	1970
Стадыён	Rogers Arena
Колеры	Сіні, зялёны, срэбны і белы
Гісторыя	Ванкувэр Кэнакс 1970 — цяпер
Галоўны трэнэр	Rick Tocchet[d][1]
Афіцыйны сайт	nhl.com/canucks/ (анг.)

Гісторыя

Першай ванкувэрскай прафэсійнай камандай па хакеі была «Ванкувэр Мільянэрз», якая паўстала дзякуючы высілкам Фрэнкам і Лэстэрам Патрыкамі. Створаныя ў 1911 годзе, «мільянэры» спаборнічалі ў розыгрышах навастворанай Ціхаакіянскай хакейнай асацыяцыі. Клюб свае хатнія матчы ладзіў у будынаку Дэнман-Арэны, якая ў той час была вядомая дзякуючы найбуйнейшай у сьвеце штучнай лядовай коўзанкі^[2]. Арэна пазьней была зьнішчаная ў пажары ў 1936 годзе.

З 1926 па 1970 гады ў Ванкувэры базаваліся толькі клюбы зь мінорных лігаў. З намерам прыцягнуць франшызу НХЛ, горад пачаў будаўніцтва новай сучаснай арэны Пасыфік-Калізэю ў 1966 годзе. Арэна была адкрытая ў студзені 1968 году^[3]. Каб папоўніць склад «Кэнакс» перад сваім уступным сэзоне ўзяў удзел у драфце пашырэньня. Лятэрэя была зладжаная 9 чэрвеня 1970 году, зь ейнымі вынікамі было вызначына, што «Бафала Сэйбрз» мае першы выбар у драфце, а «Кэнакс», адпаведна, меў абіраць гульцом другім. Першым гульцом каманды стаў абаронца Гэры Доак. Сярод іншых гульцоў, абраных ванкувэрскім клюбам, быў цэнтральны нападнік Арланд Куртэнбах, які быў першым капітанам «Кэнакс»^[4]. Таксама на драфце быў абраны абаронца Пэт Кўін, які пазьней працаваў генэральным дырэктарам і трэнэрам каманды ў 1990-х. 9 кастрычніка 1970 году каманда згуляла сваю першую гульню «Лос-Анджэлес Кінгс», які яна прагуляла зь лікам 3:1. Першую шайбу закінуў абаронца Бары Ўілкінз^[5]. Праз два дні дружына здабыла і першую перамогу, выгуляўшы зь лікам 5:3 «Таронта Мэйпл Ліфс».

Склад

Паводле стану на 25 сакавіка 2025 году

Брамнікі
31		Артурс Шылаўс	22.03.2001	32		Кевін Ланкінэн	28.04.1995
35		Тэтчэр Дэмка	08.12.1995
Абаронцы
17		Філіп Гронэк	02.11.1997	25		Эліяс Пэтэрсан	16.02.2004
27		Дэрэк Форбарт	04.03.1992	29		Маркус Пэтэрсан	08.05.1996
43		Кўін Г’юз	14.10.1999	47		Ноа Джулсэн	02.04.1997
57		Тайлер Маерз	01.02.1990	90		Віктар Мансыні	26.05.2002
Нападнікі
6		Брок Бэсэр	25.02.1997	8		Конар Гэрланд	11.03.1996
18		Дру О’Конар	09.06.1998	21		Нільс Гёгляндэр	20.12.2000
23		Юнатан Лекерымякі	24.07.2004	24		Піюс Зутэр	24.05.1996
40		Эліяс Пэтэрсан	12.11.1998	44		Кіфэр Шэрўуд	31.03.1995
53		Тэадорс Блюгерс	15.08.1994	54		Аату Раці	14.11.2002
72		Філіп Хыціл	05.09.1999	74		Джэйк Дэбраск	17.10.1996
81		Дакота Джошуа	15.05.1996	88		Нільс Оман	07.02.2000
94		Лінус Карльсан	16.11.1999