Мармэляд

Мармэля́д (ад парт. marmelada) — кулінарны прадукт, прыгатаваны з фруктаў, вараных з цукрам з даданьнем пэктыну і смакавых дадаткаў (можа лічыцца разнавіднасьцю густога варэньня). У ангельскамоўных краінах слова marmalade азначае толькі варэньне з цытрусавых (асабліва з апэльсінаў). У СССР у мармэляд дадавалі інгрэдыенты, якія ня маюць дачыненьня да садавіны (напрыклад, агар-агар).

Мармэляд
Асноўны складнік	агар[d] цукар пэктынавыя рэчывы жэлятына садавінавы сок[d] крухмал мус[d]
Падобныя стравы	жавальны мармэляд[d]
Мармэляд у Вікісховішчы

Гісторыя

Слова паходзіць ад партугальскага marmelada, які азначае выключна варэньне з айвы. Густое варэньне з апэльсінаў з такой назвай стала папулярна ў Вялікабрытаніі, адкуль мода на такія прадукты пракралася на кантынэнт разам з назвай — у нямецкай мове Marmelade азначае варэньне наогул.

Паводле іншых крыніц^[1] «мармелад» у перакладзе з францускай азначае — старанна прыгатаваная страва колеру яблыкаў.

Эўрапейцы пазнаёміліся з мармэлядам падчас Крыжовых паходаў у Малай Азіі. Гістарычная радзіма мармэляду — Блізкі Ўсход і Ўсходняе Міжземнамор’е. Для таго, каб захаваць ураджай, плады ці сок ягад і садавіны выварвалі да максымальнага згушчэньня.

Партугальскі мармэляд з айвы

Глядзіце таксама

• Варэньне
• Жэле