Мартыновічы (Палескі раён)

Мартыно́вічы (па-ўкраінску: Мартино́вичі) — былое сяло ў Палескім раёне Кіеўскай вобласьці Ўкраіны. Разьмяшчалася за 21 км ад чыгункавай станцыі Вільча.

Мартыновічы лац. Martynovičy
укр. Мартиновичі
Першыя згадкі:	каля 1415 году
Краіна:	Украіна
Вобласьць:	Кіеўская
Раён:	Палескі
Часавы пас:	UTC+2
летні час:	UTC+3
Геаграфічныя каардынаты:	51°14′0″ пн. ш. 29°34′0″ у. д.
Мартыновічы на мапе Ўкраіны Мартыновічы

Гісторыя

Вялікае Княства Літоўскае

Найбольш раньняя згадка пра баярскае^[a] сяло Мартыновічы сустрэтая ў 1415 годзе «або пазьней»^[b] у пераліку грашовых і мядовых данінаў Кіеўскай Сафійскай мітрапалічай вотчыны^[1]:

А се боарскыи люди... Ондрѣевскый островъ на Уши подъ Мартиновичи^[c], а съ него идетъ 5 вѣдер меду...

Ёсьць упамін пра сяло Мартыновічы ў лісьце караля Жыгімонта Старога князю Дзімітрыю Раманавічу Відыніцкаму (Любецкаму), датаваным 3-м сакавіка 1532 году^[2]:

Жикгимонт Божю милостю корол

Воеводе киевъскому, державцы свислоцкому пану Андрею Якубовичу Немировича. Жаловалъ нам дворянинъ нашъ княз Дмитреи Романовичъ Виденецкии о томъ, што жъ которые именя мелъ державца речицкии тесть его, небожчикъ панъ Семенъ Полозовичъ наимя Ухобное, Углядковичи, Белыи Берегъ, Виточов, Мартиновичи, Хвоиники, Остроглядовичи, Новоселки а двор с пустовщинами у замку Киеве и на месте, и во Вручомъ. И тые деи онъ вси именя свои держалъ за даниною и листы отца нашого Казимера, короля, и брата нашого Александра, королеи ихъ милости и нашими…

П(и)сан y Кракове под лет(а) Бож(е)(г)(о) нарож(е)(н)(я) 1000 пят|сот 32 м(е)с(я)ца марта 3 ден, инъдикт 5 Михаило писаръ

Карона Каралеўства Польскага

Згодна з падатковым рэестрам Кіеўскай зямлі (ваяводзтва) на 1581 год, з 4 дымоў асадных сялянаў і 1 агародніка сяла Мартыновічы пана Шчаснага Харлінскага, падкаморага кіеўскага, выбіралася адпаведна па 15 грошаў і 6 грошаў^[3].

Пад уладай Расейскай імпэрыі

Пасьля другога падзелу Рэчы Паспалітай (1793) Мартыновічы апынуліся ў Расейскай імпэрыі.

Найноўшы час

Мапа Кіеўскай акругі УССР. 1925 г.

У 1925 годзе сяло Мартыновічы — у складзе Хабнаўскага раёну Кіеўскай акругі УССР.

Пасьля аварыі сяло Мартыновічы не належала да ліку сёлаў абавязковага адсяленьня, але частка насельніцтва выехала і расьсялілася ў розных месцах Украіны.

Заўвагі

1. У крыніцы пра адных даньнікаў сказана — «А се Софійскыи люди», пра другіх — «А се боарскыи люди».
2. Так запісана ў загалоўку дакумэнта.
3. Тут вядзецца пра баяраў Мартыновічаў, ад якіх паселішча і атрымала сваю назву.