Мартын Дэмічэліс

аргентынскі футбаліст From Wikipedia, the free encyclopedia

Мартын Дэмічэліс
Remove ads

Марты́н Гасто́н Дэмічэ́ліс (па-гішпанску: Martín Gastón Demichelis, marˈtin demiˈt͡ʃelis; нар. 20 сьнежня 1980 году, Жустыніяна Пасэ, Аргентына) — былы аргентынскі футбаліст, гулец зборнай Аргентыны. Дзейнічаў у асноўным як цэнтральны абаронца, часам выступаў і на пазыцыі адцягнутага назад паўабаронцы.

Хуткія факты Пэрсанальная інфармацыя, Клюбы ...
Remove ads

Кар’ера

Клюбная

Прафэсійная кар’ера Мартына пачалася ў 2001 року ў клюбе «Рывэр Плэйт» з Буэнас-Айрэсу, у моладзевай школе якога ён вучыўся тры гады. Дэбют за клюб у першым дывізіёне адбыўся 2 верасьня 2001 году.

У 2003 Дэмічэліс перайшоў у нямецкую «Баварыю» за 4,5 мільёну . Першыя сэзоны яго перасьледавалі траўмы, але пры новым трэнэры Фэліксе Магаце Дэмічэліс стаў гульцом асноўнага складу. Наступны трэнэр Отмар Гіцфэльд пасьпяхова перавёў Мартына з паўабаронцаў на пазыцыю цэнтральнага абаронцы. Зь Люісам ван Галем стасункі ў гульца ня склаліся[5], ён перастаў трапляць у аснову і выказаў жаданьне перайсьці ў іншы клюб. За «Баварыю» Мартын выступаў цягам сямі з паловай гадоў[6] і заваяваў з клюбам 11 тытулаў.

Напрыканцы сьнежня 2010 року Дэмічэліс падпісаў угоду з гішпанскай «Малягай», якую трэніраваў ягоны былы трэнэр па «Рывэр Плэйт» Мануэль Пэлегрыні. Дэбют у Ля Лізе адбыўся 8 студзеня 2011 ў матчы з Атлетыкам Більбао. У гэтым сэзоне клюб здолеў пазьбегнуць вылету, а 22 жніўня 2012 Мартын забіў першы гол каманды ў Лізе чэмпіёнаў, адолеўшы грэцкі «Панатынаікос» зь лікам 2:0[7].

Па сканчэньні кантракту з «Малягай» Дэмічэліс перайшоў у «Атлетыка Мадрыд»[8], у якім правёў меней за два месяцы і ніводнага разу ня выйшаў на поле.

1 верасьня 2013 году Мартын Дэмічэліс перайшоў у клюб ангельскай Прэм’ер-лігі «Манчэстэр Сіці»[9], дзе ізноў далучыўся да свайго колішняга трэнэра па «Рывэр Плэйт» і «Малязе» Мануэля Пэлегрыні. Дэбют у складзе манчэстэрцаў адбыўся 27 кастрычніка 2013, а першы гол за МС Дэмічэліс забіў 22 сакавіка 2014 году ў матчы з «Фулгэмам», які завяршыўся зь лікам 5:0[10].

Міжнародная

Мартын Дэмічэліс дэбютаваў за зборную Аргентыны ў 2005 року. 11 верасьня 2007 забіў свой першы гол у ейным складзе ў таварыскім матчы са зборнай Аўстраліі (1:0).

У зборнай Дыега Марадоны Дэмічэліс згуляў ва ўсіх матчах на чэмпіянаце сьвету ў Паўднёвай Афрыцы і забіў першы гол матчу групавой стадыі са зборнай Грэцыі[11].

У лістападзе 2011 року Дэмічэліс страціў месца ў зборнай пасьля кваліфікацыйнага матчу на чэмпіянат сьвету супраць Балівіі. Праз два з паловай гады ён быў нечакана ўключаны ў склад зборнай на ЧС-2014[12].

Remove ads

Узнагароды

«Рывэр Плэйт»:

«Баварыя»:

«Манчэстэр Сіці»:

Аргентына:

  • Фіналіст Кубку канфэдэрацыяў: 2005
Remove ads

Сям’я

У 2007 року ажаніўся з мадэльлю Эвангелінай Андэрсан, маюць сына Мартына Бастыяна (нарадзіўся ў 2009 годзе)[13].

Крыніцы

Вонкавыя спасылкі

Loading related searches...

Wikiwand - on

Seamless Wikipedia browsing. On steroids.

Remove ads