Марцін Вайнэк

Ма́рцін Ва́йнэк (па-нямецку: Martin Weinek ; нарадзіўся ў Леабэне (Аўстрыя) ў 1964) — актор тэатру й кіно, вядомы па ролі інспэктара Фрыца Кунца ў тэлесэрыяле «Камісар Рэкс».

Марцін Вайнэк
Martin Weinek
Марцін Вайнэк (справа)
Дата нараджэньня	5 чэрвеня 1964
Месца нараджэньня	Леабэн, Аўстрыя
Грамадзянства	Аўстрыя
Занятак	актор
Навуковая сфэра	вінаградарства
Гады дзейнасьці	1986 — цяперашні час
IMDb	ID nm0918194
Марцін Вайнэк у Вікісховішчы

Біяграфія

У 1983—1986 Вайнэк вывучаў акторскае майстэрства пад кіраўніцтвам прафэсара Ёста, потым гуляў у розных венскіх тэатрах. У кіно дэбютаваў у эпізадычнай ролі ліфцёра ў фільме Пасьлясэзоньне (па-нямецку: Nachsaison).

Праз год актор прыняў удзел у тэатральным фэсьце ў Рэклінгхаўзэне, дзе згуляў адну з галоўных роляў у спэктаклі Гяорга Мітэндрайна Der Lechner Edi schaut ins Paradies па п’есе Юры Сойфера. Вайнэк таксама зьняўся ў фільме рэжысэра Дытара Бэрнэра «Сьмецьцеманія» ў ролі сьмецьцеўборшчыка.

У 1988—1989 Вайнэк гуляе ў тэатры імя Юры Сойфера ў Вене, а таксама ў іншых невялікіх трупах, дзе таксама выступае ў ролі рэжысэра, пастаноўшчыка, прадусара. Пасьля здымак у 1989 у сэрыяле Calafati Joe ён атрымаў пасаду кіраўніка Гернальзэрскага тэатру ў Вене. З 1999 гуляе ролю інспэктара Кунца ў тэлесэрыяле «Камісар Рэкс», якая прынесла яму сусьветную вядомасьць. Здымаецца таксама і ў іншых фільмах.

У вольны ад здымак час актор разам з жонкай Евай займаюцца вінаробствам. Супругі валодаюць вінаграднікам плошчаю ў шэсьць гектараў непадалёк ад Хайлігенбруна.

Фільмаграфія

• 1989: тэлесэрыял Calafati Joe
• 1999 — 2008: Камісар Рэкс — роля Фрыца Кунца
• 2004: Silentium
• 2005: Grenzverkehr
• 2006: адна з сэрыяў у Unter weißen Segeln
• 2007: адна з сэрыяў у Die Rosenheim-Cops
• 2011: Der Sommer der Gaukler

Вонкавыя спасылкі

Марцін Вайнэк — сховішча мультымэдыйных матэрыялаў

• На сайце ORF (ням.)