Марыя Філіповіч

Марыя Канстанцінаўна Філіповіч (1 студзеня 1947, вёска Сьмётанка, Зубаўскі сельсавет, Аршанскі раён, Віцебская вобласьць — 17 лютага 2003, Менск) — беларуская пісьменьніца, журналістка.

Вікіпэдыя мае артыкулы пра іншых асобаў з прозьвішчам Філіповіч.

Марыя Філіповіч
Асабістыя зьвесткі
Імя пры нараджэньні	Марыя Канстанцінаўна Шыдлоўская
Нарадзілася	1 студзеня 1947(1947-01-01) Сьмётанка, Зубаўскі сельсавет, Аршанскі раён, Віцебская вобласьць, БССР, СССР
Памерла	1 лютага 2003(2003-02-01) (56 гадоў)
Літаратурная дзейнасьць
Род дзейнасьці	пісьменьніца
Гады творчасьці	1974—2003
Кірунак	проза
Жанр	абразкі, апавяданьні, нарысы
Мовы	беларуская, расейская

Жыцьцяпіс

Нарадзілася ў сялянскай сям’і. У Сьмётанцы скончыла 7 клясаў, вучылася ў Дубровенскай вячэрняй сярэдняй школе № 1 (скончыла ў 1964 годзе). Вучылася ў Магілёўскай мэдвучэльні (1965—1968). Атрыманая спэцыяльнасьць не задавальняла яе. Цікавіла літаратура, цягнула пісаць. Завочна вучылася ў Літаратурным інстытуце імя А. М. Горкага ў Маскве (1974—80 гг.). Працавала фэльчаркай спачатку ў Віцебскай, потым у Менскай вобласьці (1968—1982 гг.). Некаторы час была выхавацелькай у Менскай тэхнічнай вучэльні №11 (1982—1983), бібліятэкаркай у Воршы (1983—1984)^[1].

3 1984 да 1985 год супрацоўніца рэдакцыі шматтыражнай газэты «Трыбуна наватара» ў Воршы^[2]. У 1985—1990 гг. на творчай рабоце. Друкавалась у часопісе Маладосьць. 3 1991 году спецкарэспандэнтка газэты «Набат», з 1992 — газэты «Рэспубліка»^[3]. Ініцыятарка стварэньня і з 1999 году галоўная рэдактарка духоўна-асьветніцкай газэты «Воскресение».

Сябра СП СССР з 1987 г.

Раптоўна памерла 16 лютага 2003 году^[4].

Творчасьць

Літаратурны шлях пачаўся ў 1974 годзе з напісаньня 4 апавяданьняў на творчы конкурс пры паступленьні ў Літаратурны інстытут. Першыя публікацыі ў рэспубліканскім друку зьявіліся ў 1978 г. (апавяданьне «Сустрэча» ў «Нёмане» і «Дванаццаць месяцаў» пад Новы год у «Бярозцы»). У яе творах адчуваецца добрае веданьне тагачаснага штодзённага жыцьця^[5].

Творы

• Марыя Філіповіч. Мадонна з Выселкаў: апавяданні / Рэцэнзент Міхаіл Ціханчук. — Менск: Мастацкая літаратура, 1984. — 141 с. — (Першая кніга празаіка). — 6000 ас.
• Марыя Філіповіч. Пра Алеся і яго сяброў: апавяданні / Мастачка Галіна Хінко-Янушкевіч. — Менск: Юнацтва, 1988. — 48 с. — 67 000 ас. — ISBN 5-7880-0084-Х
• Марыя Філіповіч. Чыя ты, зямля? // Маладосць : часопіс. — 1990. — № 12 (454). — С. 117—125.
• Марыя Філіповіч. Поні бегае па кругу. Апавяданьне. Мал. Л. Кальмавай. // Маладосць : часопіс. — 1991. — № 4 (458). — С. 27—47.
• Марыя Філіповіч. Клетка для каханай: аповесць, апавяданні. — Менск: Мастацкая літаратура, 1995. — 222 с. — 6000 ас. — ISBN 5-340-01185-2
• Марыя Філіповіч. Мужнасць.  (бел.) // Воскресение : газэта. — февраль 2013. — № 2 (163). — С. 5.
• Мария Филиппович. Сказ о великом мастере.  (рас.) // Воскресение : газэта. — февраль 2013. — № 2 (163). — С. 5.
• Нина Янович. Духовный человек не может сотворить зло. (Последнее в своей жизни интервью Мария Филиппович дала корреспонденту «Народной газеты» 2003, февраль.)  (рас.) // Воскресение : газэта. — февраль 2013. — № 2 (163). — С. 5.