Мастаўляны (Падляскае ваяводзтва)

Мастаўля́ны (па-польску: Mostowlany) — вёска ў Беластоцкім павеце Падляскага ваяводзтва Польшчы, на левым беразе ракі Сьвіслач, за 5 км на паўднёвы ўсход ад чыгуначнай станцыі Зубкі, за 8 км на поўдзень ад шашы 65, на мяжы зь Беларусьсю. Знаходзіцца ў гміне Гарадок.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мастаўляны.

Мастаўляны
польск. Mostowlany
Краіна:	Польшча
Ваяводзтва:	Падляскае
Павет:	Беластоцкі
Гміна:	Гарадок
Насельніцтва:	16 чал. (31 сакавіка 2021)[1]
Часавы пас:	UTC+1
летні час:	UTC+2
Паштовы індэкс:	16-040
Геаграфічныя каардынаты:	53°4′4.000″ пн. ш. 23°52′43.000″ у. д.
Мастаўляны на мапе Польшчы Мастаўляны
Галерэя здымкаў у Вікісховішчы

Гісторыя

Помнік К. Каліноўскаму.

У ліпені 1959 году ў в. Мастаўляны (Беластоцкі павет) павесілі дошку для памяці. На ёй было напісанае аб Кастусю Каліноўскім:

У вёсцы Мастаўляны 21.03.1838 г. нарадзіўся Кастусь Каліноўскі, змагар за нацыянальнае і сацыяльнае вызваленьне палякаў і беларусаў, арганізатар і кіраўнік студзеньскага паўстаньня на Беларусі і Літве. Загінуў з рук царскіх сатрапаў 10.03.1864 г. у Вільні. Ушаноўваючы памяць героя, жыхары Мастаўлян прысвойваюць школе яго імя. Сакавік, 1959.

— Георгі Валкавыцкі. «Віры. Нататкі рэдактара». 1991 год^[2].

Насельніцтва

Паводле польскага перапісу насельніцтва 1921 г. пражывала тут 52 жыхары (усе праваслаўныя беларусы)^[3]

Інфармацыя для турыстаў

Помнікі архітэктуры

• Праваслаўная царква Сьв. Яна Тэоляга (1862 г., разбудаваная ў 1908—1909).
• Грэка-каталіцкая капліца, цяпер праваслаўная могілкавая (канец XVIII ст).

Страчаная спадчына

Ураджэнцы

• Кастусь Каліноўскі (1838—1864) — нацыянальны герой Беларусі, Летувы і Польшчы, адзін з кіраўнікоў нацыянальна-вызваленчага паўстаньня 1863—1864 гадоў
• Віктар Каліноўскі (1833–1862) – гісторык, археограф, бібліяфіл, удзельнік нацыянальна-вызвольнага руху 1860-х г. Старэйшы брат Кастуся Каліноўскага.