Медзел

Медзел (Маціль) — мужчынскае імя.

Mädel
Паходжаньне
Мова(-ы)	германскія
Утворанае ад	Mado + суфікс з элемэнтам -л- (-l-)
Іншыя формы
Варыянт(ы)	Маціль
Зьвязаныя артыкулы
якія пачынаюцца з «Медзел»

Паходжаньне

Асноўны артыкул: Імёны ліцьвінаў

Мадзела, Медула або Медзіл, пазьней Мэдэль (Madelo, Medulo^[1], Meddil^[2][3], Mädel^[4]) — імя германскага паходжаньня^[5]. Іменная аснова мад- (мед-, мат-) (імёны ліцьвінаў Матывік, Медвін, Матар; германскія імёны Mathwig, Medwinus, Matter) паходзіць ад гоцкага maþa 'добры, пачэсны'^[6].

Германскае паходжаньне імя Медзіла сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[7].

Варыянты імя ў гістарычных крыніцах: Medelo castrum (2 чэрвеня 1325 году)^[8]; слуги Молоховъского путя панъсырныи… Гридиных сыновъ пять — Иванъ, Тимошъко, Гридко, Медел, Кисель (каля 1492 году)^[9].

Носьбіты

• Медзел — літоўскі баярын, які ўпамінаецца каля 1492 году

Мацілевічы — літоўскі шляхецкі род^[10].

У 1523 годзе ўпаміналася пустаўская зямля Медзялеўшчына (Меделевщина) каля Эйшышкаў^[11].

На 1906 год існавалі маёнткі Вялікае і Малое Мядзіліна, а таксама пагост Мядзілінскі ў Віцебскім павеце Віцебскай губэрні^[12] (яшчэ ліст 1565 году ўпамінае пад Віцебскам «землю, называючую Меделено… на тыхъ земляхъ дедовской а Мяделене»^[13]).

На гістарычнай Віленшчыне існуе вёска Медзялішкі, на гістарычнай Ашмяншчыне — места Мядзел.