Месткавічы

Ме́сткавічы^[1] — вёска, уваходзіць у склад Плешчыцкага сельсавету Пінскага раёну Берасьцейскай вобласьці. На ўсход ад вёскі працякае рака Прыпяць. Празь вёску праходзіць аўтастрада Р147.

Месткавічы
трансьліт. Miestkavičy
Царква Сьвятой Тройцы
Краіна:	Беларусь
Вобласьць:	Берасьцейская
Раён:	Пінскі
Сельсавет:	Плешчыцкі
Насельніцтва:	162 чал. (2009)
Часавы пас:	UTC+3
Тэлефонны код:	+375 165
Паштовы індэкс:	225745
Нумарны знак:	1
Геаграфічныя каардынаты:	52°1′31″ пн. ш. 26°5′18″ у. д.
Месткавічы на мапе Беларусі ± Месткавічы Месткавічы
Галерэя здымкаў у Вікісховішчы

Гісторыя

Паселішча ўпершыню згадана ў XV стагодзьдзі. У гэты час Месткавічы належалі Сырапятам, а зь цягам часу перайшлі да роду Шырмічаў. У першай палове XVI стагодзьдзя маёнтак належаў пінскаму войскаму Марціну Шырму^[2]. З часу тэрытарыяльна-адміністрацыйнай рэформы сярэдзіны XVI стагодзьдзя ў Вялікім Княстве Літоўскім Месткавічы ўваходзілі ў склад Пінскага павету Берасьцейскага ваяводзтва^[3].

Пасьля другога падзелу Рэчы Паспалітай (1793) у складзе Расейскай імпэрыі, вёска ўваходзіла ў склад Пінскага павету. У 1795 годзе прыхаджане, якая належалі да грэкакаталіцкай царквы Прасьвятой Багародзіцы, былі пераведзены ў праваслаўе. У 1827 годзе царква згарэла^[2].

У 1875 годзе на сродкі мясцовых жыхароў была ўзьведзена новая, драўляная царква сьв. Тройцы, якая захавалася да нашых дзён^[4].

Падчас Першай сусьветнай вайны тут праходзіла лінія фронту, захаваліся ўмацаваньні і магілы салдат^[5].

Згодна з Рыскай мірнай дамовай вёска ўвайшла ў склад міжваеннай Польшчы. З 1939 году ў складзе БССР^[3].

Насельніцтва

• 2009 год — 162 жыхары
• 1999 год — 212 жыхароў

Інфармацыя для турыстаў

• Царква Сьвятой Тройцы (1875) —  Гісторыка-культурная каштоўнасьць Беларусі, шыфр 112Г000573
• Магілы салдат Першай сусьветнай вайны
• Абарончыя збудаваньні Першай сусьветнай вайны