Малаток

Запыт «Молат» перанакіроўваецца сюды. На гэтую тэму трэба стварыць асобны артыкул.

Глядзіце таксама: Молат і Молат (неадназначнасьць)

Малато́к^[1][2] — невялікі молат, ужываемы для забіваньня й выпростваньня цьвікоў, разьбіваньня рэчаў і іншых работ. У асноўным вырабляецца са сталі. Зьяўляецца адным са старажытнейшых інструмэнтаў, якія выкарыстоўваюцца разумным чалавекам.

Ручны малаток

Асноўнай часткай малатка зьяўляецца кампактная маса з суцэльнага матэрыяла, звычайна мэталу, якая можа выкарыстоўвацца для ўдара па чамусьці й пры гэтым не дэфармавацца. Для зручнасьці нанясеньня ўдараў і для большага размаху ўдарную частку малатка насажваюць на ручку, якая можа рабіцца таксама з мэтала, альбо з дрэва альбо плястмаса.

Віды малаткоў

Сьлясарны малаток мае два байкі — роўны й звужаючыся. Сталярны мае раздвоены выступ-зубец, што зручна пры выдзіраньні цьвікоў. Пры працы з долатам выкарыстоўваюць падобную на малаток кіянку з драўніны

Сымбалізм

Асноўны артыкул: Серп і молат

У камуністычнай сымболіцы скрыжаваныя серп і молат азначалі саюз сялянаў і рабочых. Выява скрыжаваных сярпа і молата была прадстаўленая на гербах і сьцягах СССР і саюзных рэспублікаў.

Галерэя

• 
  Першабытны каменны малаток
• 
  Малаток-цьвікадзёр

Глядзіце таксама

• Кіянка
• Кірка
• Кувалда
• Цьвік