Мяцелі

Мяце́лі (лет. Meteliai) — вёска ў Летуве, сярод азёраў Дусі і Мяцеляў. Уваходзяць у склад Сярэйскага староства Лазьдзейскага раёну Аліцкага павету. Насельніцтва на 2011 год — 195 чалавек. Знаходзяцца за 9 км на паўночны захад ад Сярэі.

Мяцелі лац. Miacieli
лет. Meteliai
Касьцёл Перамяненьня Панскага
Краіна:	Летува
Павет:	Аліцкі
Насельніцтва:	195 чал. (2011)
Часавы пас:	UTC+2
летні час:	UTC+3
Геаграфічныя каардынаты:	54°21′0″ пн. ш. 23°43′0″ у. д.
Мяцелі на мапе Летувы Мяцелі
Галерэя здымкаў у Вікісховішчы

Мяцелі — даўняе мястэчка гістарычнай Троччыны. Да нашага часу тут захаваўся касьцёл Перамяненьня Панскага, помнік архітэктуры XIX стагодзьдзя.

Назва

Тапонім Мяцелі зьвязваюць з возерам Мяцелямі^[1].

Гісторыя

Вялікае Княства Літоўскае

Першы пісьмовы ўпамін пра Мяцелі датуецца 1508 годам. У гэты час яны ўваходзілі ў склад Троцкага павету Троцкага ваяводзтва.

У 1619 годзе Павал Стэфан Сапега збудаваў у Мяцелях Касьцёл Перамяненьня Панскага.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Мяцелі апынуліся ў складзе Прусіі, у 1807 годзе згодна з Тыльзіцкай мірнай дамовай — у складзе Расейскай імпэрыі, у Сейненскім павеце Сувальскае губэрні. На 1827 год у мястэчку было 52 будынкі.

За часамі Першай сусьветнай вайны ў 1915 годзе Мяцелі занялі войскі Нямецкай імпэрыі

Найноўшы час

Па польска-летувіскіх баях і падпісаньні пагадненьня паміж міжваеннай Польскай Рэспублікай і Летувой у 1919 годзе Мяцелі апынуліся ў складзе Летувы. За часамі Другой сусьветнай вайны з чэрвеня 1941 да 1944 году мястэчка знаходзілася пад акупацыяй Трэцяга Райху.

Насельніцтва

Дэмаграфія

• XIX стагодзьдзе: 1827 год — 391 чал.^[2]
• XXI стагодзьдзе: 2011 год — 195 чал.

Турыстычная інфармацыя

Інфраструктура

У Мяцелях знаходзіцца кіраўніцтва Мяцельскага рэгіянальнага парку, кемпінг «Vitrūna».

Славутасьці

• Касьцёл Перамяненьня Панскага (1822)