Мікалай Панцялей

Мікала́й Пятро́віч Панцяле́й (нар. 10 студзеня 1953 году ў вёсцы Касьцюкі Барысаўскага раёну Менскай вобласьці) — беларускі дзяржаўны дзяяч, міністар сувязі і інфарматызацыі Рэспублікі Беларусь^[1] ад 2006 да 2014 году.

Мікалай Пятровіч Панцялей
Міністар сувязі і інфарматызацыі Рэспублікі Беларусь
5 траўня 2006 — 21 лютага 2014
Прэзыдэнт	Аляксандар Лукашэнка
Прэм’ер-міністар	Сяргей Сідорскі, Міхаіл Мясьніковіч
Папярэднік	Уладзімер Ганчарэнка
Наступнік	Сяргей Папкоў
Асабістыя зьвесткі
Нарадзіўся	10 студзеня 1953 в. Касьцюкі, Барысаўскі раён, Менская вобласьць, БССР
Партыя	КПСС (да 1991 г.)
Адукацыя	Менскі радыётэхнічны інстытут (1975)
Узнагароды

Біяграфія

У 1975 годзе скончыў Менскі радыётэхнічны інстытут па спэцыяльнасьці «радыётэхніка». З 1975 году — інжынэр на Менскім электрамэханічным заводзе, пасьля начальнік канструктарскага бюро, начальнік аддзелу, намесьнік сакратара парткаму з правамі райкаму, вызваленым сакратаром парткаму з правамі райкаму, галоўным інжынэрам заводу. У 1994 годзе прызначаны дырэктарам электрамэханічнага заводу.

З 2003 па 2004 гады — першы намесьнік кіраўніка адміністрацыі Ленінскага раёну Менску. У 2004—2005 гг. — кіраўнік адміністрацыі Кастрычніцкага раёну Менску. У 2005—2006 гг. — першы намесьнік старшыні Менскага гарадзкога выканаўчага камітэту. З траўня 2006 году — міністар сувязі і інфарматызацыі Рэспублікі Беларусь. Ад 21 лютага 2014 году ў адстаўцы^[2].

Узнагароды

• Ляўрэат Дзяржаўнай прэміі Рэспублікі Беларусь у галіне навукі і тэхнікі^[3].