Наваколасава

Навако́ласава^[1] — пасёлак у Стаўпецкім раёне Менскай вобласьці. Уваходзіць у склад і зьяўляецца цэнтрам Наваколасаўскага сельсавету.

Наваколасава
трансьліт. Navakolasava
Першыя згадкі:	1954
Краіна:	Беларусь
Вобласьць:	Менская
Раён:	Стаўпецкі
Сельсавет:	Наваколасаўскі
Насельніцтва:	1602 чал. (2010)
Часавы пас:	UTC+3
Тэлефонны код:	+375 1717
Паштовы індэкс:	222661
СААТА:	6254842026
Нумарны знак:	5
Геаграфічныя каардынаты:	53°30′58.8″ пн. ш. 26°55′30.0″ у. д.
Наваколасава на мапе Беларусі ± Наваколасава Наваколасава
Галерэя здымкаў у Вікісховішчы

Гісторыя

Створаны ў 1954 як вайсковы гарадок 25-га арсэналу РВСН. У пасёлку жылі афіцэры арсэналу зь сем’ямі і абслугоўваючы пэрсанал. Пасьля распаду СССР вайсковы гарадок быў скасаваны. 25 чэрвеня 2004 году ператвораны ў пасёлак у складзе Слабадзкога сельсавету^[2]. 29 чэрвеня 2006 году перададзены ў склад Наваколасаўскага сельсавету, дзе стаў цэнтрам сельсавету^[3][4].

Насельніцтва

• 2010 год — 1602 чалавекі

Адукацыя

У пасёлку працуе дзіцячы ясьлі-садок і сярэдняя школа.

Мэдыцына

Мэдыцынскія паслугі аказвае насельніцтву амбуляторыя. Працуе аптэка.

Культура

Цэнтрам мясцовага жыцьця зьяўляецца Дом культуры. У ім працуе бібліятэка. Таксама ў пасёлку дзейнічае праваслаўная царква.

Забудова

Забудова прадстаўлена пераважна шматкватэрнымі цаглянымі дамамі пабудовы 1960—1970-х гадоў. Ёсьць два панэльныя дамы пабудаваныя ў 1980-я гады. Захавалася невялікая колькасьць каркасна-шчытавых дамоў. Катэджная забудова адсутнічае.