Навасёлкі (Старадароскі раён)

Навасёлкі^[1] — вёска ў Старадароскім раёне Менскай вобласьці. Навасёлкі ўваходзяць у склад Языльскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Навасёлкі.

Навасёлкі
трансьліт. Navasiolkі
Краіна:	Беларусь
Вобласьць:	Менская
Раён:	Старадароскі
Сельсавет:	Языльскі
Насельніцтва:	67 чал. (2010)
Часавы пас:	UTC+3
Тэлефонны код:	+375 1792
Паштовы індэкс:	222920
Нумарны знак:	5
Геаграфічныя каардынаты:	53°4′28″ пн. ш. 28°1′55″ у. д.
Навасёлкі на мапе Беларусі ± Навасёлкі Навасёлкі

Гісторыя

Вядома з XIX стагодзьдзя, уваходзіла ў склад маёнтку Сыракомля Бабруйскага павету, належала панам Солтанам. У 1870 годзе ўваходзіла ў склад Горкаўскай воласьці Бабруйскага павету, налічвала 60 жыхароў. У 1897 годзе налічвала 33 двары і 207 жыхароў, хлебазапасны магазын. У 1917 годзе — 386 жыхароў. У 1929 годзе арганізаваны калгас РЭС (рэвалюцыя, электрыфікацыя, сацыялізм). У гады Другой сусьветнай вайны вёска была амаль цалкам спаленая.

28 траўня 2013 году вёска перададзеная зь ліквідаванага Горкаўскага ў склад Языльскага сельсавету^[2].

Насельніцтва

• 2010 год — 67 чалавек
• 1999 год — 127 чалавек

Інфраструктура

У вёсцы ёсьць толькі адна вуліца, таму яна ня мае назвы. Паштовая карэспандэнцыя дастаўляецца з указаньнем толькі назвы вёскі і нумару дому.