Нефцякамск

Нефцякамск (па-расейску: Нефтекамск, па-башкірску: Нефтекама) — горад (з 1963) у Расеі, у складзе Башкартастану. Насельніцтва 131 942 чал. (2021). Заснаваны ў 1957 годзе. Па колькасьці насельніцтва чацьвёрты горад у Рэспубліцы пасьля Уфы, Стэрлітамаку і Салавату. Займае 124 месца сярод гарадоў Расеі па колькасьці жыхароў.

Нефцякамск
рас. па-расейску: Нефтекамск, па-башкірску: Нефтекама
Герб Нефцекамску Сьцяг Нефцекамску
Дата заснаваньня:	1957
Краіна:	Расея
Суб’ект фэдэрацыі:	Башкартастан
Плошча:	147,25 км²
Вышыня:	100 м н. у. м.
Насельніцтва
колькасьць:	131 942 чал. (2021)
шчыльнасьць:
Часавы пас:	UTC+5
Тэлефонны код:	34783
Паштовы індэкс:	452680
Нумарны знак:	02, 102
Геаграфічныя каардынаты:	56°5′0″ пн. ш. 54°15′0″ у. д.
Нефцякамск на мапе Расеі Нефцякамск
Галерэя здымкаў у Вікісховішчы
http://neftcity.ru/, http://adm.neftekamsk.ru/

Горад разьмешчаны на рацэ Кама, за 220 км ад Уфы. Чыгуначная станцыя. Вядучыя галіны народнай гаспадаркі электраэнергетыка (Карманаўская ДРЭС) і нафтаздабыча.

Гісторыя

У 1956 годзе каля вёсак Касёва і Марына было выяўлена нафтавае радовішча — Арланскае. З пачаткам распрацоўкі радовішча было вырашана ўзьвесьці рабочы пасёлак нафтавікоў. У 1963 годзе быў заснаваны горад Нефцякамск. Назва адлюстроўвае спэцыялізацыю гораду і яго разьмяшчэньне непадалёк ад ракі Кама.

У 1972 годзе на падставе пастановы Савету Міністраў СССР ад 17 сьнежня 1970 году «Аб будаўніцтве і рэканструкцыі заводаў Міністэрства аўтамабільнай прамысловасьці для забесьпячэьння Камскага аўтамабільнага заводу запаснымі часткамі і камплектуючымі дэталямі» быў пабудаваны Нафтакамскі аўтазавод.