Салават

Салава́т (па-расейску: Салават, па-башкірску: Салауат) — горад (з 1954 году) у Расеі, у складзе Башкартастану. Насельніцтва на 2016 год — 153 973 чалавекі. Заснаваны ў 1948 годзе.

Спартова-канцэртны комплекс

Салават
рас. Салават
Герб Салавату Сьцяг Салавату
Першыя згадкі:	1948
Горад з:	1954
Краіна:	Расея
Суб’ект фэдэрацыі:	Башкартастан
Кіраўнік:	Фарыт Гільманаў[d]
Плошча:	106,23 км² [1]
Вышыня:	150 м н. у. м.
Насельніцтва (2016)
колькасьць:	153 973 чал.[2]
шчыльнасьць:	1449,43 чал./км²
Часавы пас:	UTC+5
Тэлефонны код:	34763
Паштовыя індэксы:	453250-453265
Нумарны знак:	02, 102
Геаграфічныя каардынаты:	53°22′0″ пн. ш. 55°56′0″ у. д.
Салават на мапе Расеі Салават
Галерэя здымкаў у Вікісховішчы
Афіцыйны сайт (рас.)

Горад знаходзіцца на поўдні Башкартастану, на левым беразе ракі Белай (прыток Камы), за 178 км на поўдзень ад Уфы. Чыгуначная станцыя.

Буйны цэнтар нафтаперапрацоўчай і нафтахімічнай прамысловасьці (ААТ «Салаватнефтеоргсинтез», выпускае вадкае паліва, сьпірты бутылавыя, поліэтылен высокага ціску, азотныя ўгнаеньні і г. д.), перапрацоўчая магутнасьць комплексу — 11,7 млн тон нафты ў год. Нафтаперапрацоўчы комплекс шэрагам трубаправодаў зьвязаны з нафтапромысламі Ішымбая, Шкапава, Арлана, з радовішчамі газу (Каргалінскае Арэнбурская вобласьць), газакандэнсату (Карачаганаскае, Казахстан), а таксама з хімічнымі прадпрыемствамі Стэрлітамаку. Таксама ў горадзе працуюць заводы «Салаватнефтемаш», аўтарамонтны і вопытна-экспэрымэнтальны па выпуску мэталяканструкцыяў. Апроч гэтага, функцыянуе буйны шклозавод (ААТ «Салаватстекло»), заводы жалезабэтонных і мінэраляватных вырабаў, швейная фабрыка, фабрыкі паляўнічага рыштунку і трыкатажных вырабаў. Харчовыя прадпрыемствы. Электраэнэргетыка ў горадзе прадстаўленая Салавацкай (264 МВт) і Новасалавацкай ЦЭЦ (530 МВт).