Наш Шлях (часопіс)

«Наш Шлях» (1922—1923) — грамадзка-навуковы і літаратурны часопіс Беларускага Студэнцкага Саюзу, выходзіў у Вільні з сакавіка 1922 да восені 1923 на беларускай мове. Пабачылі сьвет 3 нумары. Галоўным рэдактарам і выдаўцоў быў Браніслаў Туронак.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Наш Шлях.

Наш Шлях
Тэматыка	Часопіс беларускага студэнцтва
Краіна	Польшча
Адрас	Вільня, Біскупская вул. 12; Віленская вул. 12
Выдавец	Беларускі Студэнцкі Саюз
Галоўны рэдактар	Браніслаў Туронак
Дата заснаваньня	сакавік 1922
Мова	Беларуская

Галоўная мэта выданьня — больш глыбокае пазнаньне Беларусі, адраджэньне нацыянальнай сьвядомасьці, змаганьне за дзяржаўную незалежнасьць. Апублікаваныя артыкулы А. Луцкевіча «Вялікае сьвята», «Студэнцкая моладзь у беларускім руху», канспэкт ягонай лекцыі «Разьвіцьцё палітычнай думкі ў Беларусі». Ідэйныя пошукі моладзі адлюстраваныя ў артыкуле «Шляхі беларускай студэнцкай моладзі» М. Крывічонка, «Наш шлях», «Аб нашым месіянізьме» С. Радзіміча (верагодна абодва псэўданімы Б. Туронка). Актуальнасьцю, творчым пошукам вылучаліся артыкулы і нарысы Францішка Пяткевіча (псэўданім — Франук Маркотны), Мікалая Марцінчыка (крыптанім — М. М.). Інфармаваў пра культурна-асьветную працу студэнтаў-беларусаў Віленскага ўнівэрсытэту, друкаваў хроніку з жыцьця беларускіх студэнтаў у Маскве, Менску, Празе, паведамляў пра лёс беларускай асьветы ў Латвіі. Зьмяшчаў вершы Н. Арсеньневай, З. Верас, І. Дварчаніна, Г. Леўчыка, апавяданьні Л. Леўскага, А. Пакуцкага і інш.

Крытыка, рэцэнзіі

• Новая часопісь. // Беларускі звон : тыднёвая часопicь. — 25 сакавіка 1922. — № 9 (34). — С. 4.
• У-р. Бібліяграфія. «Наш Шлях» — штомесячнік беларускага студэнцтва. // Беларускі звон : тыднёвая часопісь. — 12 красавіка 1922. — № 11 (36). — С. 4.
• Бібліяграфія: Наш шлях. / Клаўдзі Дуж-Душэўскі // Беларускі сьцяг : часопіс. — Коўна: Урад БНР, 1922. — № 2—3. красавік—травень. — С. 53.

Літаратура

• Аляксандар Вабішчэвіч. «Наш шлях»//Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1999. — Т. 5: М — Пуд. — 592 с. — ISBN 985-11-0141-9 — С. 312—313.
• А. В. Вабішчэвіч., А. С. Ліс. «Наш шлях» // Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 11: Мугір — Паліклініка. — 560 с. — ISBN 985-11-0188-5 — С. 246.
• Туронак Ю. Памяці Браніслава Туронка. Варшава—Нью-Ёрк: БІНіМ. 1990.

Вонкавыя спасылкі

• «Наш Шлях» (1922—1923) // Беларуская Палічка
• «Наш Шлях» (1922—1923) // Бібліятэка Акадэміі навук Літвы імя Урублеўскіх (па-летувіску: Lietuvos mokslų akademijos Vrublevskių biblioteka (LMAVB). Žygimantų g. 1, LT-01102 Vilnius