Норман Дэвіс

Норман Дэвіс (па-ангельску: Ivor Norman Richard Davies; нарадзіўся 8 чэрвеня 1939 году ў горадзе Болтан, Вялікі Манчэстэр, Ланкашыр, Ангельшчына) — брытанскі гісторык. Асноўнай тэматыкай дасьледаваньняў была гісторыя Польшчы, сваю вядомасьць у ангельскамоўных краінах набыў дзякуючы навуковым працам па гісторыі Эўропы і Брытанскіх астравоў.

Норман Дэвіс (Варшава, 7 кастрычніка 2004 году)

Біяграфія

Вышэйшую адукацыю Айвар Норман Рычард Дэвіс атрымаў у Магдален-каледжы Оксфардзкага ўнівэрсытэту на катэдры гісторыка Элана Джона Пэрсываля Тэйлара. У 1966 атрымаў ступень магістра ва ўнівэсытэце Сасэксу. Некаторы час працаваў у Грэноблі і Оксфардзе, потым зьбіраўся накіравацца ў Савецкі Саюз, каб зьбіраць навуковыя матэрыялы для сваёй дысэртацыі, але так і ня змог атрымаць візу. Знайшлося альтэрнатыўнае рашэньне — Кракаўскі ўнівэрсытэт Ягелонаў. У Кракаве Дэвіс пачаў дасьледаваць гісторыю польска-савецкай вайны, а паколькі для тагачаснай афіцыйнай польскай гістарычнай навукі вайна «не існавала», аўтар зьмяніў назву сваёй працы на «Брытанская зьнешняя палітыка ў адносінах да Польшчы 1919—1920 гадоў». Пасьля таго як Дэвіс у 1968 годзе атрымаў у Кракаве доктарскую ступень, праца выйшла пад назвай «Белы арол, чырвоная зорка. Польска-савецкая вайна 1919—1920 гадоў». У Кракаве пазнаёміўся са сваёй будучай жонкай^[1]. Ад 1971 году працаваў выкладчыкам школе славянскіх і ўсходнеэўрапейскіх ведаў Унівэрсытэцкага каледжа Лёндану (ад 1985 да 1996 году прафэсар ардынарны гісторыі Польшчы)^[2]. Кніга «Гульнявая пляцоўка Бога» (1981) была некалькі разоў перавыдадзеная^[3]. Быў звольнены з пасады запрошанага прафэсара Стэнфардзкага ўнівэрсытэту за сваю пазыцыю адносна габрэйскіх пагромаў у Польшчы ў 1918 годзе^[4]. Пасьля гэтага ён падаў у суд на Ўнівэрсытэт за сваё звальненьне^[4]. У 2012 годзе апублікаваў кнігу «Каралеўствы, якія зьніклі» (па-ангельску: Vanished kingdoms), прысьвечаную гісторыі вэстготаў, Бургундыі, старажытнай Брытаніі, Арагону, Вялікага княства Літоўскага ды інш.^[5] Ад 1997 году да 2006 году працаваў у Каледжы Вульфсана ў Оксфардзе^[2]. 4 ліпеня 2014 году артымаў другое грамадзянства Польшчы^[6]. Ягоныя кнігі перакладзеныя больш як на 30 моў^[7].

Узнагароды

• Вялікі Крыж Ордэна Заслугі Рэспублікі Польшча (1998)^[8].
• Рыцар-камандор ордэна сьвятога Міхала і сьвятога Георгія (2001)^[9].
• Залаты мэдаль «За заслугі ў культуры Глёрыя Артыс» (2005)^[6].
• Доктар honoris causa Ягелонскага ўнівэрсытэту (2003)^[10].
• Ордэн Сьв. Станіслава 1 клясы (Польшча, 2005).
• Ганаровы доктар Варшаўскага ўнівэрсытэту (2007)^[10].
• крыж кавалерскі ордэна адраджэньня Польшчы (ад ураду Польшчы ў выгнаньні)^[10].
• Ордэн Белага арла (2012)^[6].
• мэдаль Эразма (2013)^[11].
• Ганаровы доктар Унівэрсытэцкага каледжа Лёндану (2015)^[7].
• Ганаровы доктар Унівэрсытэту ў Болтане (2018)^[7].
• Доктар honoris causa Унівэрсытэту Мікалая Капэрніка (2019)^[3].
• Сябра Каралеўскага літаратурнага таварыства.
• Ганаровы доктар Унівэрсытэту Марыі Складоўскай-Кюры ў Любліне^[3].
• Ганаровы доктар Гданьскага ўнівэрсытэту^[3].
• Ганаровы доктар Унівэрсытэту Сасэксу^[3].
• Ганаровы грамадзянін Любліну (2000)^[12], Кракаву, Варшавы ды Ўроцлаву^[3].

Публікацыі

• 1972: White Eagle, Red Star: The Polish-Soviet War, 1919-20. (Рэдакцыя-2004: ISBN 0712606947)
• 1977: Poland, Past and Present. A Select Bibliography of Works in English. ISBN 0892500115
• 1981: God's Playground(en). A History of Poland. Vol. 1: The Origins to 1795, Vol. 2: 1795 to the Present. Oxford: Oxford University Press. ISBN 0199253390 / ISBN 0199253404.
• 1984: Heart of Europe. A Short History of Poland. Oxford: Oxford University Press. ISBN 0192851527.
  • 2001: Heart of Europe : The Past in Poland's Present Oxford University Press, USA; New edition ISBN 0192801260
• 1991: Jews in Eastern Poland and the USSR, 1939-46.Palgrave Macmillan. ISBN 0312062001
• 1996: Europe: A History(en). Oxford: Oxford University Press. ISBN 0198201710
• 1997: Auschwitz and the Second World War in Poland: A lecture given at the Representations of Auschwitz international conference at the Jagiellonian University. Universitas. ISBN 8370529356
• 1999: Red Winds from the North. Able Publishing. ISBN 0907616453
• 1999: The Isles. A History. Oxford: Oxford University Press. ISBN 0195134427
• 2002 (з Роджэрам Мургаўсам(en)): Microcosm: Portrait of a Central European City(en) London: Jonathan Cape. ISBN 0224062433
• 2004: Rising '44. The Battle for Warsaw. London: Pan Books. ISBN 0333905687
• 2006: Europe East and West: A Collection of Essays on European History. Jonathan Cape. ISBN 0224069241
• Europe at War, 1939-45: No Simple Victory. — 2006., выдадзена ў ЗША пад назвай No Simple Victory (2007)^[9]
• Vanished kingdoms: The Rise and Fall of States and Nations. — Viking, 2011. — 830 p..^[5]
• Litva: The Rise and Fall of the Grand Duchy of Lithuania. — Penguin Group US, 2013. — 90 p.. — ISBN 9781101630822