Пары Ніжні Ноўгарад

«Пары́ НН» (па-расейску: Пари НН) — расейскі футбольны клюб з гораду Ніжняга Ноўгараду. Заснаваны ў 2015 годзе і ад пачатку называўся як «Волга-Алімпіец» ды «Алімпіец». У 2021 годзе дэбютаваў у Прэм’ер-лізе.

Пары
Поўная назва	АНО «Футбольный клуб „Пари Нижний Новгород“»
Заснаваны	2015
Горад	Ніжні Ноўгарад, Расея
Стадыён	Ніжні Ноўгарад Умяшчальнасьць: 45 319
Кіраўнік	Ніжні Ноўгарад
Галоўны трэнэр	Аляксей Шпілеўскі[d][1]
Чэмпіянат	Прэм’ер-ліга
· 2024—2025	13 месца
fcnn.ru/main/ (рас.)

Гісторыя

Раней у горадзе ўжо існавалі прафэсійныя клюбы, як то «Волга», але яны зь цягам часу страчвалі прафэсійны статус. У 2015 годзе быў створаны клюб «Алімпіец», які заявіўся ў Прафэсійную футбольную лігу, якая была трэцім дывізіёнам у герархіі расейскага футболу. За мэту ставілася разьвіцьцё ніжагародзкага футболу шляхам адбору найлепшых мясцовых выхаванцаў^[2]. Хатнія матчы каманда «Волга-Алімпіец», перад якой ставілася задача здабыць месца ў другім дывізіёне^[2], цягам усяго сэзону праводзіліся на стадыёне Паўночны. У выніку клуб заняў трэці радок у зоне Ўрал-Паволжа, толькі на адзіны пункты адстаўшы ад іжэўскага «Зэніту». Ужо праз год каманда пераехала на стадыён Лякаматыў, бо «Волга» да гэтага часу ўжо была расфармаваная. Паводле вынікаў другога сэзону каманда фінішавала першай у сваёй зоне і прабілася ў Футбольную нацыянальную лігу.

Сэзон 2017—2018 гадоў у ФНЛ клюб пачаў з двух нічыйных вынікаў на сваім полі, спачатку разышоўшыся зь лікам 2:2 з курскім «Авангардам» і згуляўшы 0:0 з «Крыламі Саветаў», якія ў мінулым сэзоне выступалі ў Прэм’ер-лізе^[3] у Дзяржынску на стадыёне Хімік, з прычыны рэканструкцыі Лякаматыва. 21 верасьня 2017 году каманда ў 1/16 фіналу Кубка Расеі выгуляла клюб з Прэм’ер-лігі «Ўфу» ў сэрыі пэнальці^[4]. Брамнік «Алімпійца» Артур Анісімаў адбіў пэнальці, а таксама выканаў пераможны ўдар з кропкі^[5].

У год чэмпіянату сьвету, матчы якога ладзіліся ў тым ліку і на стадыёне Ніжні Ноўгарад, клюб зьведаў істотныя зьмены. 28 чэрвеня 2018 году клюб атрымаў новую назву «Ніжні Ноўгарад»^[6], а замест Мікалая Пісарава галоўным трэнэрам быў прызначаны Дзьмітры Чэрышаў^[7], зь якім да каманды далучыўся цэлы шэраг футбалістаў. Сэзон ніжагародцы скончылі на 4-м месцы. Паводле вынікаў сэзону 2020—2021 гадоў клюб заняў трэці радок, што дазволіла яму прабіцца ў Прэм’ер-лігу, бо «Арэнбург», які быў на пазыцыю вышэй, ня здолеў прайсьці працэдуру ліцэнзаваньня. 17 чэрвеня 2021 году каманду ачоліў Аляксандар Кержакоў, які працаваў раней у «Тамі». 26 ліпеня ў дэбютным матчы найвышэйшага дывізіёну пад ягоным кіраўніцтвам ніжагародзкая каманда на хатнім стадыёне абгуляла «Сочы», правёўшы гол на 68-й хвіліне сустрэчы. 10 чэрвеня 2022 году стала вядома аб перайменаваньні клюбу ў «Пары Ніжні Ноўгарад» паводле спонсарскай дамове з букмэкерскай канторай^[8]. Паводле інфармацыі, памер выплатаў складаў 450 мільёнаў расейскіх рублёў штогод, што стала найдаражэйшым букмэкерскім кантрактам сярод клюбаў расейскага першынства. У наступных гадах каманда змагалася за захаваньне ў эліце, гуляючы ў пераходных матчах.

Склад

Актуальны на 17 верасьня 2025 году

№ Пазыцыя Імя Год нараджэньня 1 Бр Вадзім Лук’янаў  2002 2 Аб Віктар Аляксандраў  2002 3 Аб Юры Каледзін  2004 6 ПА Алекс Апоку  (ар. Арыс Л.) 2004 8 ПА Мамаду Майга  (капітан) 1995 9 Нап Тыягу Вэсына  (ар. Вэлес С.) 1999 11 Нап Вахо Бэдашвілі  2003 15 Аб Аляксандар Эктаў  1996 16 Аб Яраслаў Крашэўскі  2004 17 ПА Ягор Сьмелаў  (ар. Дынама М.) 2005 19 ПА Мікіта Ермакоў  2003 20 Нап Хуан Мануэль Басэльлі  1999 21 Нап Рэналда Сэфас  1999 22 Аб Мікіта Какоеў  1999 23 Аб Хуан Кастыльлё  2002

№ Пазыцыя Імя Год нараджэньня 24 Аб Эдгарда Фарыньня  2001 25 Аб Свэн Карыч  1998 27 Нап Вячаслаў Грулёў  1999 29 ПА Лука Вэшнэр-Тычыч  2000 30 Бр Мікіта Мядзьведзеў  1994 32 Аб Вадзім Пігас 2001 40 Нап Алакунле Алусэгун  (ар. Краснадар) 2002 51 Бр Ягор Кошкін 2006 70 Аб Максім Шнапцаў  2004 75 Нап Мацьвей Фёдараў  2008 77 ПА Андрэй Іўлеў  2006 78 ПА Мікалай Калінскі  1993 80 ПА Валеры Царукян  2001 88 Нап Данііл Лесавы  1998