Нікала Ўлашыч

Ні́кала Ўла́шыч (па-харвацку: Nikola Vlašić; нар. 4 кастрычніка 1997 году) — харвацкі футбаліст, атакуючы паўабаронца італьянскага клюбу «Тарына» і нацыянальнай зборнай Харватыі.

Нікала Ўлашыч
Пэрсанальная інфармацыя
Нарадзіўся	4 кастрычніка 1997(1997-10-04)[1][2] (27 гадоў) Спліт, Спліцка-Далмацінская жупанія
Рост	178 см
Пазыцыя	паўабаронца
Клюбная інфармацыя
Клюб	Тарына
Нумар	10
Клюбы
Гады	Клюб	Гульні (галы)¹
2014—2017	Хайдук Спліт	86 (11)
2017—2019	Эвэртан	12 (0)
2018—2019	→ ЦСКА Масква	25 (5)
2019—2021	ЦСКА Масква	61 (23)
2021—2023	Ўэст Гэм Юнайтэд	19 (1)
2022—2023	→ Тарына	34 (5)
2023—4	Тарына	63 (8)
Зборныя
2017—4	Харватыя	58 (8)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 30 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 20 сакавіка 2025.

Кар’ера

Клюбная

Выхаванец спліцкага «Хайдука», у складзе якога дэбютаваў улетку 2014 году. Хутка замацаваўся ў складзе харвацкага клюбу. У жніўні 2017 году прыяднаўся да ангельскага «Эвэртану», які выдаткаваў на куплю гульца каля 10 мільёнаў фунтаў^[3][4]. У складзе лівэрпульскага клюбу ня даў рады, у выніку чаго ўлетку 2018 году на правах арэнды прыяднаўся да расейскага ЦСКА. Дэбютаваўшы ў матчы супраць тульскага «Арсэналу». Па заканчэньні арэнды расейскі клюб выкупіў кантракт футбаліста. Хутка замацаваўся ў складзе клюбу з Масквы. 31 жніўня 2021 году Ўлашыч вярнуўся ў ангельскую Прэм’ер-лігу, склаўшы дамову з сталічным «Ўэст Гэм Юнайтэдам»^[5]. Праз год быў арандаваны італьянскім «Тарына»^[6], які пазьней выкупіў гульца.

Міжнародная

Дэбютаваў у складзе нацыянальнай зборнай Харватыі 28 верасьня 2017 году ў таварыскім матчы супраць зборнай Мэксыкі.