Нікаляс Зайвальд

Ні́каляс За́йвальд (па-нямецку: Nicolas Seiwald; нар. 4 траўня 2001 году) — аўстрыйскі футбаліст, паўабаронца абарончага пляну нямецкага клюбу «РБ Ляйпцыг» і нацыянальнай зборнай Аўстрыі.

Нікаляс Зайвальд
Пэрсанальная інфармацыя
Нарадзіўся	4 траўня 2001(2001-05-04)[1][2] (24 гады) Аўстрыя
Пазыцыя	паўабаронца
Клюбная інфармацыя
Клюб	РБ Ляйпцыг
Нумар	13
Клюбы
Гады	Клюб	Гульні (галы)¹
2019—2020	Ліфэрынг	37 (5)
2020—2023	Рэд Бул Зальцбург	78 (3)
2023—4	РБ Ляйпцыг	51 (0)
Зборныя
2021—4	Аўстрыя (да 21)[d]	9 (2)
2021—4	Аўстрыя	38 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 чэрвеня 2025.

Кар’ера

Клюбная

Зайвальд пачаў сваю кар’еру ў 2009 годзе ў моладзевай акадэміі зальцбурскага «Рэд Булу». Дэбютаваў у прафэсійным футболе ў клюбе «Ліфэрынг» 29 траўня 2019 году. У складзе «Рэд Була» запачаткаваў свае выступы 21 лістапада 2020 году, калі выйшаў у стартавым складзе супраць грацкага «Штурма»^[3]. 11 кастрычніка 2022 году ўлучыў свой першы гол у Лізе чэмпіёнаў у гасьцявым матчы супраць заграбскага «Дынама». 26 лютага 2023 году было афіцыйна абвешчана, што Зайвальд далучыцца да нямецкага клюбу «РБ Ляйпцыг» з сэзону 2023—2024 гадоў і падпісаў з клюбам пяцігадовы кантракт^[4][5].

Міжнародная

Гулец прыцягваўся да матчах зборнай Аўстрыі розных узростаў. Дэбютаваў у складзе нацыянальнай зборнай Аўстрыі 12 лістапада 2021 году ў матчы адборачнага цыклю да чэмпіянату сьвету супраць зборнай Ізраілю.

Дасягненьні

«Рэд Бул»:

• Чэмпіён Аўстрыі: 2021, 2022
• Уладальнік Кубка Аўстрыі: 2021, 2022

«РБ Ляйпцыг»:

• Уладальнік Супэркубка Нямеччыны: 2023