Павал Выпых

Павал Выпых (па-польску: Paweł Wypych; нар. 20 лютага 1968 году ў Отвацку — пам. 10 красавіка 2010 году пад Смаленскам) — польскі дзяржаўны дзеяч.

Павал Выпых
па-польску: Paweł Wypych
Павал Выпых
Сэкрэтэр стану ў канцылярыі прэзыдэнта
30 красавіка 2009 — 10 красавіка 2010
Прэзыдэнт	Лех Качынскі
Прэм’ер-міністар	Дональд Туск
Кіраўнік Закладу сацыяльнага забесьпячэньня
1 чэрвеня 2007 — 26 лістапада 2007
Прэзыдэнт	Лех Качынскі
Асабістыя зьвесткі
Нарадзіўся	20 лютага 1968 Отвацк, Польшча
Памёр	10 красавіка 2010 пад Смаленскам, Расея
Адукацыя	Варшаўскі ўнівэрсытэт
Узнагароды	Крыж камандорскі ордэна Адраджэньня Польшчы

Скончыў Інстытут сацыяльнай прафіляктыкі і рэабілітацыі, а таксама гістарычны факультэт Варшаўскага ўнівэрсытэту. У 1987—1999 гадох працаваў у скаўцкім руху.^[1] У 1990—2003 гадох быў дэпутатам радаў раёнаў Варшавы. Працаваў у гарадзкой адміністрацыі. У 1996—1999 гадох быў асыстэнтам катэдры крыміналёгіі Інстытуту прававых дасьледаваньняў Польскай акадэміі навук, затым дырэктарам Цэнтру падтрымкі сям’і. З 2002 году ачольваў Управу сацыяльнай палітыкі Варшавы. У 2005—2006 гадох быў сакратаром стану (намесьнікам міністра) ў Міністэрстве працы й сацыяльнай палітыкі. У 2007 годзе нядоўга быў падсакратаром стану ў Канцылярыі прэм’ер-міністра і кіраўніком Установы сацыяльнага забесьпячэньня. У 2007—2009 гадох быў дарадцам прэзыдэнта, а з 2009 году — сакратаром стану (міністрам) ў Канцылярыі (адміністрацыі) прэзыдэнта.

Загінуў 10 красавіка 2010 году ў авіякатастрофе пад Смаленскам.

16 красавіка 2010 году пасьмертна ўзнагароджаны Крыжам камандорскім ордэна Адраджэньня Польшчы ^[2].

Пахаваны ў Варшаве.